συμβολή

Α΄ πρὸς Θεσσαλονικεῖς

ἐπιστολὴ Παύλου

ΚΕΦΑΛΑΙΟΝ 3

§4

¹ Δι᾿ ὃ μηκέτι στέγοντες εὐδοκήσαμεν καταλειφθῆναι ἐν ᾿Αθήναις μόνοι, ² καὶ ἐπέμψαμεν Τιμόθεον⁽¹⁾ τὸν ἀδελφὸν ἡμῶν καὶ διάκονον τοῦ Θεοῦ καὶ συνεργὸν ἡμῶν ἐν τῷ εὐαγγελίῳ τοῦ Χριστοῦ, ^2β εἰς τὸ στηρίξαι ὑμᾶς καὶ παρακαλέσαι ὑμᾶς περὶ τῆς πίστεως ὑμῶν, ^2γ τὸ μηδένα σαίνεσθαι ἐν ταῖς θλίψεσι ταύταις. ^{(2) 3} αὐτοὶ γὰρ οἴδατε ὅτι εἰς τοῦτο κείμεθα· ⁴ καὶ γὰρ ὅτε πρὸς ὑμᾶς ἦμεν, προελέγομεν ὑμῖν ὅτι μέλλομεν θλίβεσθαι, καθὼς καὶ ἐγέ­νετο καὶ οἴδατε. ⁵ διὰ τοῦτο κἀγὼ μηκέτι στέγων ἔπεμψα εἰς τὸ γνῶναι τὴν πίστιν ὑμῶν, ^5β μή πως ἐπείρασεν ὑμᾶς ὁ πειράζων καὶ εἰς κενὸν γένη­ται ὁ κόπος ἡμῶν.

⁶ ῎Αρτι δὲ ἐλθόντος Τιμοθέου πρὸς ἡμᾶς ἀφ᾿ ὑμῶν καὶ εὐαγγελισαμέ­νου ἡμῖν τὴν πίστιν καὶ τὴν ἀγάπην ὑμῶν, ^6β καὶ ὅτι ἔχετε μνείαν ἡμῶν ἀγαθήν,⁽³⁾ πάντοτε ἐπιποθοῦντες ἡμᾶς ἰδεῖν καθά περ καὶ ἡμεῖς ὑμᾶς, ⁷ διὰ τοῦτο παρεκλήθημεν, ἀδελφοί, ἐφ᾿ ὑμῖν ἐπὶ πάσῃ τῇ θλίψει καὶ ἀνάγκῃ ἡμῶν διὰ τῆς ὑμῶν πίστεως· ⁸ ὅτι νῦν ζῶμεν, ἐὰν ὑμεῖς στήκητε ἐν Κυρίῳ. ⁹ τίνα γὰρ εὐχαριστίαν δυνάμεθα τῷ Θεῷ ἀνταποδοῦναι περὶ ὑμῶν ἐπὶ πάσῃ τῇ χαρᾷ ᾗ χαίρομεν δι᾿ ὑμᾶς ἔμπροσθεν τοῦ Θεοῦ ἡμῶν, ¹⁰ νυκτὸς καὶ ἡμέρας ὑπερεκπερισσοῦ δεόμενοι εἰς τὸ ἰδεῖν ὑμῶν τὸ πρόσωπον ^10β καὶ καταρτίσαι τὰ ὑστερήματα τῆς πίστεως ὑμῶν; ¹¹ Αὐτὸς δὲ ὁ Θεὸς καὶ πα­τὴρ ἡμῶν καὶ ὁ Κύριος ἡμῶν ᾿Ιησοῦς Χριστὸς κατευθύναι τὴν ὁδὸν ἡμῶν πρὸς ὑμᾶς· ¹² ὑμᾶς δὲ ὁ Κύριος πλεονάσαι καὶ περισσεύσαι τῇ ἀγάπῃ εἰς ἀλλήλους καὶ εἰς πάντας, καθά περ καὶ ἡμεῖς εἰς ὑμᾶς, ¹³ εἰς τὸ στηρίξαι ὑμῶν τὰς καρδίας ἀμέμπτους ἐν ἁγιωσύνῃ ἔμπροσθεν τοῦ Θεοῦ καὶ πα­τρὸς ἡμῶν ^13β ἐν τῇ παρουσίᾳ τοῦ Κυρίου ἡμῶν ᾿Ιησοῦ Χριστοῦ μετὰ πάν­των τῶν ἁγίων αὐτοῦ.

Παραπομπαὶ

3. ^1-2) 3:5. 2Θεσ 2:17. Πρξ 13:43· 16:1· 17:15-16. Ρμ 16:21. Κλσ 4:7-8. Φιλ 2:19,20. Εφ 3:13.

^3-4) Πρξ 14:22· 16:1. εφ 3:13. Φιλ 1:14,16,28,29. 2Τιμ 3:12. 1Πετ 4:12.

⁵) 3:1. Λκ 22:31. 2Κορ 2:11. Φιλ 2:16.

⁶) 3:10,12· 1:3· 2:17. Πρξ 18:5. 2Κορ 7:17.

⁷) 2Κορ 7:4,6.   

⁸) Φιλ 4:1. 2Κορ 6:9.

^9-10) 1:2-3· 2:17· 3:6. Ρμ 1:10,11· 15:23. 3Ιω 4.

¹¹) 2:18· 5:23. 2Θεσ 2:16· 3:16. Ψ 118:5. Ιω 1:23. Ρμ 1:10.

¹²) 3:6· 4:1,9· 5:15. 2Πετ 1:7.

¹³) 5:23. 2Θεσ 1:7,10· 2:17. Μτ 16:27. 1Κορ 1:8. 2Κορ 7:1. Φιλ 1:10.

Σημειώσεις 3ου κεφαλαίου

(1) Β.Α. μετὰ τὸ Τιμόθεον θέτει κόμμα.

(2) ῾Η στιχαρίθμησις τοῦ κειμένου κατὰ Β.Α.· ἤ τοι ὁ στίχος 3 εἶναι μόνον ἡ φράσις «αὐτοὶ γὰρ οἴδατε ὅτι εἰς τοῦτο κείμεθα». Τὸ αὐτὸ καὶ εἰς Κ.Δ. ἔτους 1955 ὑπὸ Α.Δ.. Οἱ περισσότεροι ὅμως ἐκδόται ἀριθμοῦν τὸν στίχον 3 ἐνωρίτερον, ἀπὸ τοῦ σημείου 2γ.

(3) Κατ᾿ ἄλλην στίξιν· ἀγαθὴν πάντοτε, ἐπιποθοῦντες... (Ν.Σ.).

᾿Εξηγήσεις συμβόλων καὶ στοιχείων