συμβολή

Γένεσις

ΚΕΦΑΛΑΙΟΝ 6

[Λόγος 6ος]

¹ Καὶ ἐγένετο ἡνίκα ἤρξαντο οἱ ἄνθρωποι πολλοὶ γίνεσθαι ἐπὶ τῆς γῆς, καὶ θυγατέρες ἐγεννήθησαν αὐτοῖς. ² ἰδόντες δὲ οἱ υἱοὶ τοῦ Θεοῦ τὰς θυγατέρας τῶν ἀνθρώπων ὅτι καλαί εἰσιν, ^2β ἔλαβον ἑαυτοῖς γυναῖκας ἀπὸ πασῶν ὧν ἐξελέξαντο. ³ καὶ εἶπε Κύριος ὁ Θεός· «Οὐ μὴ καταμείνῃ τὸ πνεῦμά μου ^3β ἐν τοῖς ἀνθρώποις τούτοις εἰς τὸν αἰῶνα διὰ τὸ εἶναι αὐτοὺς σάρκας, ^3γ ἔσονται δὲ αἱ ἡμέραι αὐτῶν ἑκατὸν εἴκοσιν ἔτη». ⁴ οἱ δὲ γίγαντες ἦσαν ἐπὶ τῆς γῆς ἐν ταῖς ἡμέραις ἐκείναις· ^4β καὶ μετ᾿ ἐκεῖνο, ὡς ἂν εἰσεπορεύοντο οἱ υἱοὶ τοῦ Θεοῦ πρὸς τὰς θυγατέρας τῶν ἀνθρώπων, καὶ ἐγεννῶσαν ἑαυτοῖς· ^4γ ἐκεῖνοι ἦσαν οἱ γίγαντες οἱ ἀπ᾿ αἰῶνος, οἱ ἄνθρωποι οἱ ὀνομαστοί.

⁵ ᾿Ιδὼν δὲ Κύριος ὁ Θεός, ὅτι ἐπληθύνθησαν αἱ κακίαι τῶν ἀνθρώπων ἐπὶ τῆς γῆς ^5β καὶ πᾶς τις διανοεῖται ἐν τῇ καρδίᾳ αὐτοῦ ἐπιμελῶς ἐπὶ τὰ πονηρὰ πάσας τὰς ἡμέρας, ⁶ καὶ ἐνεθυμήθη ὁ Θεὸς ὅτι ἐποίησε τὸν ἄνθρωπον ἐπὶ τῆς γῆς, καὶ διενοήθη. ⁷ καὶ εἶπεν ὁ Θεός· «᾿Απαλείψω τὸν ἄνθρωπον ὃν ἐποίησα ἀπὸ προσώπου τῆς γῆς, ^7β ἀπὸ ἀνθρώπου ἕως κτήνους καὶ ἀπὸ ἑρπετῶν ἕως πετεινῶν τοῦ οὐρανοῦ, ^7γ ὅτι μετεμελήθην⁽¹⁾ ὅτι ἐποίησα αὐτούς». ⁸ Νῶε δὲ εὗρε χάριν ἐναντίον Κυρίου τοῦ Θεοῦ.

⁹ [Αὗται δὲ αἱ γενέσεις Νῶε·]⁽²⁾ Νῶε ἄνθρωπος δίκαιος, τέλειος ὢν ἐν τῇ γενεᾷ αὐτοῦ· τῷ Θεῷ εὐηρέστησε Νῶε. ¹⁰ ἐγέννησε δὲ Νῶε τρεῖς υἱούς, τὸν Σήμ, τὸν Χάμ, τὸν ᾿Ιάφεθ. ¹¹ ἐφθάρη δὲ ἡ γῆ ἐναντίον τοῦ Θεοῦ, καὶ ἐπλήσθη ἡ γῆ ἀδικίας. ¹² καὶ εἶδε Κύριος ὁ Θεὸς τὴν γῆν, καὶ ἦν κατεφθαρμένη, ^12β ὅτι κατέφθειρε πᾶσα σὰρξ τὴν ὁδὸν αὐτοῦ ἐπὶ τῆς γῆς. ¹³ καὶ εἶπε Κύριος ὁ Θεὸς τῷ Νῶε· «Καιρὸς παντὸς ἀνθρώπου ἥκει ἐναντίον μου, ^13β ὅτι ἐπλήσθη ἡ γῆ ἀδικίας ἀπ᾿ αὐτῶν, καὶ ἰδοὺ ἐγὼ καταφθείρω αὐτοὺς καὶ τὴν γῆν. ¹⁴ ποίησον οὖν σεαυτῷ κιβωτὸν ἐκ ξύλων τετραγώνων· ^14β νοσσιὰς ποιήσεις τὴν κιβωτὸν καὶ ἀσφαλτώσεις αὐτὴν ἔσωθεν καὶ ἔξωθεν τῇ ἀσφάλτῳ. ¹⁵ καὶ οὕτω ποιήσεις τὴν κιβωτόν· τριακοσίων πήχεων τὸ μῆκος τῆς κιβωτοῦ ^15β καὶ πεντήκοντα πήχεων τὸ πλάτος καὶ τριάκοντα πήχεων τὸ ὕψος αὐτῆς· ¹⁶ ἐπισυνάγων ποιήσεις τὴν κιβωτὸν καὶ εἰς πῆχυν συντελέσεις αὐτὴν ἄνωθεν· ^16β τὴν δὲ θύραν τῆς κιβωτοῦ ποιήσεις ἐκ πλαγίων· ^16γ κατάγαια διώροφα καὶ τριώροφα ποιήσεις αὐτήν. ¹⁷ ἐγὼ δὲ ἰδοὺ ἐπάγω τὸν κατακλυσμόν, ὕδωρ ἐπὶ τὴν γῆν καταφθεῖραι πᾶσαν σάρκα, ^17β ἐν ᾗ ἐστι πνεῦμα ζωῆς, ὑποκάτω τοῦ οὐρανοῦ· ^17γ καὶ ὅσα ἐὰν ᾖ ἐπὶ τῆς γῆς, τελευτήσει. ¹⁸ καὶ στήσω τὴν διαθήκην μου μετὰ σοῦ· ^18β εἰσελεύσῃ δὲ εἰς τὴν κιβωτὸν σὺ καὶ οἱ υἱοί σου καὶ ἡ γυνή σου ^18γ καὶ αἱ γυναῖκες τῶν υἱῶν σου μετὰ σοῦ. ¹⁹ καὶ ἀπὸ πάντων τῶν κτηνῶν καὶ ἀπὸ πάντων τῶν ἑρπετῶν ^19β καὶ ἀπὸ πάντων τῶν θηρίων καὶ ἀπὸ πάσης σαρκός, ^19γ δύο δύο ἀπὸ πάντων εἰσάξεις εἰς τὴν κιβωτόν, ἵνα τρέφῃς μετὰ σεαυτοῦ· ^19δ ἄρσεν καὶ θῆλυ ἔσονται. ²⁰ ἀπὸ πάντων τῶν ὀρνέων τῶν πετεινῶν κατὰ γένος καὶ ἀπὸ πάντων τῶν κτηνῶν κατὰ γένος ^20β καὶ ἀπὸ πάντων τῶν ἑρπετῶν τῶν ἑρπόντων ἐπὶ τῆς γῆς κατὰ γένος αὐτῶν, ^20γ δύο δύο ἀπὸ πάντων εἰσελεύσονται πρὸς σὲ τρέφεσθαι μετὰ σοῦ, ἄρσεν καὶ θῆλυ. ²¹ σὺ δὲ λήψῃ σεαυτῷ ἀπὸ πάντων τῶν βρωμάτων, ἃ ἔδεσθε, ^21β καὶ συνάξεις πρὸς σεαυτόν, καὶ ἔσται σοι καὶ ἐκείνοις φαγεῖν». ²² καὶ ἐποίησε Νῶε πάντα ὅσα ἐνετείλατο αὐτῷ Κύριος ὁ Θεός, οὕτως ἐποίησε.

Παραπομπαί

6. ¹) 1:28.   

²) Δευτ 7:3,4. Μτ 22:30.

³) 11:10-23. Ψ 77:39. Ιω 3:5-6. Γαλ 5:16,17. 1Πετ 3:19,20.

⁴) Αρ 13:33. Δευτ 2:10. Ψ 32:16. Βρχ 3:26-28.

⁵) 8:21· 18:20. Δευτ 29:19. Πρμ 6:18. Ψ 13:33· 133:2-3. Ιερ 5:1-5· 6,28. Μτ 15:19,29. Ιω 1:2.

⁶) Εξ 32:12-14. Αρ 23:19. 1Βασ 15:11-29,35. 2Βασ. 24:16. Ιωνα 4:2. Ησ 63:10. Ιερ 18:10· 33:3. Μλχ 3:6. Ιακ 1:17.

⁷) Ησ 63:10. Μτ 24:37. Εφ 4:30.

⁸) 5:22· 18:3· 19:19. Εξ 33:12-17· 34:9. Αρ 11:15. 2Βασ 15:25. Μτ 24:37. Λκ 1:30. Πρξ 7:46.

⁹) 5:22· 7:1. Ιεζ 14:14,20. Ρμ 1:17. Εβρ 11:7. 2Πετ 2:5.   

¹⁰) 5:32.

¹¹) 7:1· 10:9· 13:13. 2Παρ 34:27. Ιεζ 8:17· 28:16. Αβ 2:8,17. Λκ 1:6. Ρμ 2:13· 3:19.

¹²) 18:21. Ψ 13:2· 32:13,14· 43:2-3· 52:2,3.

¹³) 6:17· 15:16. Ιερ 28:3,13. Ιεζ 7:2,3,6. Αμ 8:2. 1Πετ 4:7.

¹⁴) Μτ 24:38. 1Πετ 3:20.

¹⁵) 7:20. Δευτ 3:11.

¹⁶) 7:16· 8:6. 2Βασ 6:16. 4Βασ 9:30. Ιεζ 41:16· 42:3. Λκ 13:25.

¹⁷) 6:7,13· 2:7· 7:4,15,17,21-23· 9:9. Εξ 14:17. Λευ 26:28. Δευτ 32:39. Ψ 28:10· 92:2-4· 106:34. Ιωβ 22:16. Ησ 51:12·54:9. Ιεζ 5:8· 6:3· 34:11,20. Ωσ 5:14. Αμ 9:6. Μτ 24:39. Λκ 17:27. Ρμ 5:12-14,21· 6:23· 8:20-22. Εβρ 11:7. 1Πετ 3:20. 2Πετ 2:5.

¹⁸) 7:1,7,13· 8:17· 9:9,11· 17:2,4,7,21. Ησ 26:20. Εβρ 11:7. 1Πετ. 3:20. 2Πετ 2:5.

¹⁹) 7:8,9,15,16.

²⁰) 1:20-24· 2:19· 7:8-16. Πρξ 10:11,12. Ιω 5:40.

²¹) 1:29,30. Ψ 34:6· 103:27,28· 135:25· 144:16· 146:9. Ιωβ 38:41· 40:20. Μτ 6:26.

²²) 7:5,9,16. Εξ 40:16-17. Μτ 23:37. Εβρ 11:7. 1Πετ 2:5· 3:20. 2Πετ 2:5.

Σημειώσεις 6ου κεφαλαίου

(1) μετεμελήθην· ἄλλαι γραφαί (μᾶλλον ὄχι ὀρθαί)· «ἐνεθυμήθην», «ἐθυμώθην».

(2) ῾Η ἐντὸς ἀγκυλῶν φράσις ἀπουσιάζει ἐκ τῶν ἐν τῷ Τριῳδίῳ περικοπῶν τῆς Γενέσεως· ἡ δὲ θέσις αὐτῆς δὲν φαίνεται φυσικὴ εἰς τὴν ἀρχὴν τοῦ στίχου 9, καθόσον ἀνα­φέρεται εἰς τὸν ἑπόμενον στίχον 10.

᾿Εξηγήσεις συμβόλων καὶ στοιχείων