συμβολή

Γένεσις

ΚΕΦΑΛΑΙΟΝ 9

[Λόγος 9ος (9:1-17)]

¹ Καὶ εὐλόγησεν ὁ Θεὸς τὸν Νῶε καὶ τοὺς υἱοὺς αὐτοῦ καὶ εἶπεν αὐ­τοῖς· ^1β «Αὐξάνεσθε καὶ πληθύνεσθε καὶ πληρώσατε τὴν γῆν καὶ κατακυρι­εύσατε αὐτῆς. ² καὶ ὁ τρόμος καὶ ὁ φόβος ὑμῶν ἔσται ἐπὶ πᾶσι τοῖς θηρί­οις τῆς γῆς, ^2β ἐπὶ πάντα τὰ πετεινὰ τοῦ οὐρανοῦ καὶ ἐπὶ πάντα τὰ κινού­μενα ἐπὶ τῆς γῆς ^2γ καὶ ἐπὶ πάντας τοὺς ἰχθύας τῆς θαλάσσης· ὑπὸ χεῖρας ὑμῖν δέδωκα. ³ καὶ πᾶν ἑρπετὸν ὅ ἐστι ζῶν, ὑμῖν ἔσται εἰς βρῶσιν· ^3β ὡς λάχανα χόρτου δέδωκα ὑμῖν τὰ πάντα. ⁴ πλὴν κρέας ἐν αἵματι ψυχῆς οὐ φάγεσθε· ⁵ καὶ γὰρ τὸ ὑμέτερον αἷμα τῶν ψυχῶν ὑμῶν ἐκ χειρὸς πάντων τῶν θηρίων ἐκζητήσω αὐτὸ ^5β καὶ ἐκ χειρὸς ἀνθρώπου ἀδελφοῦ ἐκζητήσω τὴν ψυχὴν τοῦ ἀνθρώπου. ⁶ ὁ ἐκχέων αἷμα ἀνθρώπου, ἀντὶ τοῦ αἵματος αὐτοῦ ἐκχυθήσεται, ^6β ὅτι ἐν εἰκόνι Θεοῦ ἐποίησα τὸν ἄνθρωπον. ⁷ ὑμεῖς δὲ αὐξάνεσθε καὶ πληθύνεσθε καὶ πληρώσατε τὴν γῆν, καὶ κατακυριεύσατε αὐτῆς».

⁸ Καὶ εἶπεν ὁ Θεὸς τῷ Νῷε καὶ τοῖς υἱοῖς αὐτοῦ μετ᾿ αὐτοῦ λέγων· ⁹ «Καὶ ἰδοὺ ἐγὼ ἀνίστημι τὴν διαθήκην μου ὑμῖν καὶ τῷ σπέρματι ὑμῶν μεθ᾿ ὑμᾶς ¹⁰ καὶ πάσῃ ψυχῇ ζώσῃ μεθ᾿ ὑμῶν, ἀπὸ ὀρνέων καὶ ἀπὸ κτηνῶν, ^10β καὶ πᾶσι τοῖς θηρίοις τῆς γῆς, ὅσα ἐστὶ μεθ᾿ ὑμῶν ἀπὸ πάντων τῶν ἐξελ­θόντων ἐκ τῆς κιβωτοῦ. ¹¹ καὶ στήσω τὴν διαθήκην μου πρὸς ὑμᾶς, καὶ οὐκ ἀποθανεῖται πᾶσα σὰρξ ἔτι ἀπὸ τοῦ ὕδατος τοῦ κατακλυσμοῦ, ^11β καὶ οὐκ ἔτι ἔσται κατακλυσμὸς ὕδατος τοῦ καταφθεῖραι πᾶσαν τὴν γῆν». ¹² καὶ εἶπε Κύριος ὁ Θεὸς πρὸς Νῶε· «Τοῦτο τὸ σημεῖον τῆς διαθήκης, ὃ ἐγὼ δίδωμι ἀνὰ μέσον ἐμοῦ καὶ ὑμῶν ^12β καὶ ἀνὰ μέσον πάσης ψυχῆς ζώσης, ἥ ἐστι μεθ᾿ ὑμῶν εἰς γενεὰς αἰωνίους· ¹³ τὸ τόξον μου τίθημι ἐν τῇ νεφέλῃ, καὶ ἔσται εἰς σημεῖον διαθήκης ἀνὰ μέσον ἐμοῦ καὶ τῆς γῆς. ¹⁴ καὶ ἔσται ἐν τῷ συννεφεῖν με νεφέλας ἐπὶ τὴν γῆν, ὀφθήσεται τὸ τόξον ἐν τῇ νεφέλῃ, ¹⁵ καὶ μνησθήσομαι τῆς διαθήκης μου, ἥ ἐστιν ἀνὰ μέσον ἐμοῦ καὶ ὑμῶν, καὶ ἀνὰ μέσον πάσης ψυχῆς ζώσης ἐν πάσῃ σαρκί, ^15β καὶ οὐκ ἔσται ἔτι τὸ ὕδωρ εἰς κατακλυσμόν, ὥστε ἐξαλεῖψαι πᾶσαν σάρκα. ¹⁶ καὶ ἔσται τὸ τόξον μου ἐν τῇ νεφέλῃ, καὶ ὄψομαι τοῦ μνησθῆναι διαθήκην αἰώνιον ἀνὰ μέσον ἐμοῦ καὶ τῆς γῆς ^16β καὶ ἀνὰ μέσον ψυχῆς ζώσης ἐν πάσῃ⁽⁰⁾ σαρκί, ἥ ἐστιν ἐπὶ τῆς γῆς». ¹⁷ καὶ εἶπεν ὁ Θεὸς τῷ Νῶε· «Τοῦτο τὸ σημεῖον τῆς διαθήκης, ^17β ἧς διεθέμην ἀνὰ μέσον ἐμοῦ καὶ ἀνὰ μέσον πάσης σαρκός, ἥ ἐστιν ἐπὶ τῆς γῆς».

[Λόγος 10ος (9:18-29)]

¹⁸ ῏Ησαν δὲ οἱ υἱοὶ Νῶε, οἱ ἐξελθόντες ἐκ τῆς κιβωτοῦ, Σήμ, Χάμ, ᾿Ιάφεθ· Χὰμ⁽¹⁾ δὲ ἦν πατὴρ Χαναάν. ¹⁹ τρεῖς οὗτοί εἰσιν υἱοὶ Νῶε· ἀπὸ τού­των διεσπάρησαν ἐπὶ πᾶσαν τὴν γῆν.

²⁰ Καὶ ἤρξατο Νῶε ἄνθρωπος γεωργὸς γῆς καὶ ἐφύτευσεν ἀμπελῶνα. ²¹ καὶ ἔπιεν ἐκ τοῦ οἴνου καὶ ἐμεθύσθη καὶ ἐγυμνώθη ἐν τῷ οἴκῳ αὐτοῦ. ²² καὶ εἶδε Χὰμ ὁ πατὴρ Χαναὰν τὴν γύμνωσιν τοῦ πατρὸς αὐτοῦ καὶ ἐξελ­θὼν ἀνήγγειλε τοῖς δυσὶν ἀδελφοῖς αὐτοῦ ἔξω. ²³ καὶ λαβόντες Σὴμ καὶ ᾿Ιάφεθ⁽²⁾ τὸ ἱμάτιον ἐπέθεντο ἐπὶ τὰ δύο νῶτα αὐτῶν ^23β καὶ ἐπορεύθησαν ὀπισθοφανῶς καὶ συνεκάλυψαν τὴν γύμνωσιν τοῦ πατρὸς αὐτῶν, ^23γ καὶ τὸ πρόσωπον αὐτῶν ὀπισθοφανῶς, καὶ τὴν γύμνωσιν τοῦ πατρὸς αὐτῶν οὐκ εἶδον. ²⁴ ἐξένηψε δὲ Νῶε ἀπὸ τοῦ οἴνου καὶ ἔγνω ὅσα ἐποίησεν αὐτῷ ὁ υἱὸς αὐτοῦ ὁ νεώτερος, ²⁵ καὶ εἶπεν·

«᾿Επικατάρατος Χαναάν·

παῖς οἰκέτης ἔσται τοῖς ἀδελφοῖς αὐτοῦ».

²⁶ καὶ εἶπεν·

«Εὐλογητὸς Κύριος ὁ Θεὸς τοῦ Σήμ,

καὶ ἔσται Χαναὰν παῖς οἰκέτης αὐτοῦ.

²⁷ πλατύναι ὁ Θεὸς τῷ ᾿Ιάφεθ,

καὶ κατοικησάτω ἐν τοῖς οἴκοις τοῦ Σὴμ

καὶ γενηθήτω Χαναὰν παῖς αὐτοῦ».

²⁸ ῎Εζησε δὲ Νῶε μετὰ τὸν κατακλυσμὸν ἔτη [τριακόσια πεντήκοντα]. ²⁹ καὶ ἐγένοντο πᾶσαι αἱ ἡμέραι Νῶε [ἐννακόσια πεντήκοντα] ἔτη, καὶ ἀπέθανεν.

[Τέλος 10ου λόγου] ⁽³⁾

Παραπομπαί

9. ¹) 1:28· 9:7,19· 10:32.

²) 1:28. Ωσ 2:18.

³) 1:29. Δευτ 12:15-16· 14:3,9,11. Πρξ 10:10-16. Ρμ 14:3,14,20. 1Κορ 10:23,26. Κλσ 10:16. 1Τιμ 4:3,4.

⁴) Λευ 1:5· 3:17· 7:26-27· 17:10-14· 19:26. Δευτ 12:16,23· 15:23. 1Βασ 14:33. Πρξ 15:20,29.

⁵) 4:9,10. Εξ 21:28. Λευ 17:14. Ψ 9:12. Πρξ 17:26.

⁶) 1:26,27. Εξ 21:12,14, 23-25· 20:15. Λευ 24:17,19. Μτ 26:52. Απ 13:10.

⁷) 1:28· 9:1,19.

⁸) 9:16-19· 8:15.

⁹) 6:18. Ησ 54:9.

^9-10) Ιεζ 34:25. Ωσ 2:20. Ιωβ 5:23.

¹⁰) Ψ 144:9.

¹¹) 8:21. Ησ 54:9-10.

¹²) 17:11. Αρ 17:25.

¹³) Ιεζ 1:28. Απ 4:3.

¹⁴) 9:13,16. Δευτ 33:28. Ιωβ 37:21.

¹⁵) Εξ 28:12. Λευ 26:42,45. Ησ 54:9. Ιεζ 16:60.

¹⁶) 17:13,19.

¹⁷) 10:6.

¹⁸) 9:8· 5:32· 6:10· 7:13· 10:6,32.

¹⁹) 1:22· 5:32· 10:32. 1Παρ 1:4.

²⁰) 3:19,23· 4:2. Πρμ 12:11.

²¹) Πρμ 20:1· 23:29-35. 1Κορ 10:12. Εφ 5:18.

²²) 9:25· 10:6,15-19. 1Παρ 1:8,13-16. 2Βασ 1:19,20. Ψ 34:20,21· 39:15· 69:3. Πρμ 25:9· 30:17. Αβδ 1:12,13. Μτ 18:15. 1Κορ 13:6. Γαλ 6:1. Εβρ 2:15.

²³) Εξ 20:12. Γαλ 6:1.

²⁴) 9:20-22. Δευτ 27:16. 1Βασ 25:37. Ιωηλ 1:5.

²⁵) Εξ 21:17. Λευ 20:9. Δευτ 27:16. ΙσΝ 9:23. 4Βασ 9:20,21.

²⁶) ΙσΝ 16:10. Κρ 1:28. Ψ 143:15. Εβρ 11:16.

²⁷) Εφ 2:13,14· 3:6.

²⁸) 7:0· 11:10. 2Πετ 2:5.

²⁹) 5:5,20,27,32· 7:11· 11:11-25. Ψ 89:10.

Σημειώσεις

(0) πᾶσι (ΠΜ)

(1) Χὰμ σημαίνει «μέλας» κατά τινα ἑρμηνείαν.

(2) ᾿Ιάφεθ σημαίνει «αὔξησις» κατά τινα ἑρμηνείαν.

(3) ΚΕΦΑΛΑΙΟΝ 10 — ¹ Αὗται δὲ αἱ γενέσεις τῶν υἱῶν Νῶε, Σήμ, Χάμ, ᾿Ιάφεθ, καὶ ἐγεννήθησαν αὐτοῖς υἱοὶ μετὰ τὸν κατακλυσμόν. — ² Υἱοὶ ᾿Ιάφεθ· Γαμὲρ καὶ Μαγὼγ καὶ Μαδοὶ καὶ ᾿Ιωύαν καὶ ᾿Ελισὰ καὶ Θοβὲλ καὶ Μοσόχ καὶ Θίρας. ³ καὶ υἱοὶ Γαμέρ· ᾿Ασχανὰζ καὶ Ριφὰθ καὶ Θοργαμά. ⁴ καὶ υἱοὶ ᾿Ιωύαν· ᾿Ελισὰ καὶ Θάρσεις, Κίτιοι, ῾Ρόδιοι. ⁵ ἐκ τούτων ἀφωρίσθησαν νῆσοι τῶν ἐθνῶν ἐν τῇ γῇ αὐτῶν, ἕκαστος κατὰ γλῶσσαν ἐν ταῖς φυλαῖς αὐτῶν καὶ ἐν τοῖς ἔθνεσιν αὐτῶν. — ⁶ Υἱοὶ δὲ Χάμ· Χοὺς καὶ Μεσραΐν, Φοὺδ καὶ Χαναάν. ⁷ υἱοὶ δὲ Χούς· Σαβὰ καὶ Εὐϊλὰ καὶ Σαβαθὰ καὶ ῾Ρεγμὰ καὶ Σαβαθακά. υἱοὶ δὲ ῾Ρεγμά· Σαβὰ καὶ Δαδάν. ⁸ Χοὺς δὲ ἐγέννησε τὸν Νεβρώδ. οὗτος ἤρξατο εἶναι γίγας ἐπὶ τῆς γῆς· ⁹ οὗτος ἦν γίγας κυνηγὸς ἐναντίον Κυρίου τοῦ Θεοῦ· διὰ τοῦτο ἐροῦσιν· «ὡς Νεβρὼδ γίγας κυνηγὸς ἐναντίον Κυρίου». ¹⁰ καὶ ἐγένετο ἀρχὴ τῆς βασιλείας αὐτοῦ Βαβυλὼν καὶ ᾿Ορὲχ καὶ ᾿Αρχὰδ καὶ Χαλάννη ἐν τῇ γῇ Σεναάρ. ¹¹ ἐκ τῆς γῆς ἐκείνης ἐξῆλθεν ᾿Ασσοὺρ καὶ ᾠκοδόμησε τὴν Νινευῒ καὶ τὴν ῾Ροωβὼθ πόλιν καὶ τὴν Χαλὰχ ¹² καὶ τὴν Δασὴ ἀνὰ μέσον Νινευῒ καὶ ἀνὰ μέσον Χαλάχ· αὕτη ἡ πόλις μεγάλη. ¹³ καὶ Μεσραῒν ἐγέννησε τοὺς Λουδιὶμ καὶ τοὺς ᾿Ενεμετιὶμ καὶ τοὺς Λαβιὶμ καὶ τοὺς Νεφθαλιὶμ καὶ τοὺς Πατροσωνιὶμ ¹⁴ καὶ τοὺς Χασλωνιίμ, ὅθεν ἐξῆλθε Φιλιστιίμ, καὶ τοὺς Καφθοριίμ. ¹⁵ Χαναὰν δὲ ἐγέννησε τὸν Σιδῶ­να πρωτότοκον αὐτοῦ ¹⁶ καὶ τὸν Χετταῖον καὶ τὸν ᾿Ιεβουσαῖον καὶ τὸν ᾿Αμορραῖον καὶ τὸν Γεργεσαῖον καὶ τὸν Εὐαῖον καὶ τὸν ᾿Αρουκαῖον ¹⁷ καὶ τὸν ᾿Ασενναῖον καὶ τὸν ᾿Αράδιον καὶ τὸν Σαμαραῖον καὶ τὸν ᾿Αμαθί. ¹⁸ καὶ μετὰ τοῦτο διεσπάρησαν αἱ φυλαὶ τῶν Χαναναίων, ¹⁹ καὶ ἐγένετο τὰ ὅρια τῶν Χαναναίων ἀπὸ Σιδῶνος ἕως ἐλθεῖν εἰς Γεραρὰ καὶ Γαζάν, ἕως ἐλθεῖν ἕως Σοδόμων καὶ Γομόρρας, ᾿Αδαμὰ καὶ Σεβωῒμ ἕως Δασά. ²⁰ οὗτοι υἱοὶ Χάμ, ἐν ταῖς φυλαῖς αὐτῶν, κατὰ γλώσσας αὐτῶν, ἐν ταῖς χώραις αὐτῶν καὶ ἐν τοῖς ἔθνεσιν αὐ­τῶν. — ²¹ Καὶ τῷ Σὴμ ἐγεννήθη καὶ αὐτῷ, πατρὶ πάντων τῶν υἱῶν ῎Εβερ, ἀδελφῷ ᾿Ιάφεθ τοῦ μείζονος. ²² υἱοὶ Σήμ· ᾿Ελὰμ καὶ ᾿Ασσοὺρ καὶ ᾿Αρφαξὰδ καὶ Λοὺδ καὶ ᾿Αρὰμ καὶ Καϊνᾶν. ²³ καὶ υἱοὶ ᾿Αράμ· Οὒζ καὶ Οὒλ καὶ Γατὲρ καὶ Μοσόχ. ²⁴ καὶ ᾿Αρφαξὰδ ἐγέννησε τὸν Καϊνᾶν, καὶ Καϊνᾶν ἐγέννησε τὸν Σαλά, Σαλὰ δὲ ἐγέννησε τὸν ῎Εβερ. ²⁵ καὶ τῷ ῎Εβερ ἐγεννήθησαν δύο υἱοί· ὄνομα τῷ ἑνὶ Φαλέγ, ὅτι ἐν ταῖς ἡμέραις αὐτοῦ διεμερίσθη ἡ γῆ, καὶ ὄνομα τῷ ἀδελφῷ αὐτοῦ ᾿Ιεκτάν. ²⁶ ᾿Ιεκτὰν δὲ ἐγέννησε τὸν ᾿Ελμωδὰδ καὶ Σαλὲθ καὶ τὸν Σαρμὼθ καὶ ᾿Ιαρὰχ καὶ ᾿Οδορρὰ καὶ ᾿Αιβὴλ καὶ Δεκλὰ ²⁷ καὶ Εὐὰλ καὶ ᾿Αβιμαὲλ καὶ Σαβὰ ²⁸ καὶ Οὐφὶρ καὶ Εὐϊλὰ καὶ ᾿Ιωβάβ. ²⁹ πάντες οὗτοι υἱοὶ ᾿Ιεκτάν. ³⁰ καὶ ἐγένετο ἡ κατοίκη­σις αὐτῶν ἀπὸ Μασσῆ ἕως ἐλθεῖν εἰς Σαφηρά, ὄρος ἀνατολῶν. ³¹ οὗτοι υἱοὶ Σήμ, ἐν ταῖς φυλαῖς αὐτῶν, κατὰ γλώσσας αὐτῶν, ἐν ταῖς χώραις αὐτῶν καὶ ἐν τοῖς ἔθνεσιν αὐτῶν. — ³² Αὗται αἱ φυλαὶ υἱῶν Νῶε κατὰ γενέσεις αὐτῶν, κατὰ ἔθνη αὐτῶν· ἀπὸ τούτων διεσπά­ρησαν νῆσοι τῶν ἐθνῶν ἐπὶ τῆς γῆς μετὰ τὸν κατακλυσμόν.

᾿Εξηγήσεις συμβόλων καὶ στοιχείων