Γένεσις, κεφ. 11 (κείμενον Ο΄)
Γένεσις
ΚΕΦΑΛΑΙΟΝ 11
[Λόγος 11ος]
1 Καὶ ἦν πᾶσα ἡ γῆ χεῖλος ἕν, καὶ φωνὴ μία πᾶσι. 2 καὶ ἐγένετο ἐν τῷ κινῆσαι αὐτοὺς ἀπὸ ἀνατολῶν, εὗρον πεδίον ἐν γῇ Σενναὰρ καὶ κατῴκησαν ἐκεῖ. 3 καὶ εἶπεν ἄνθρωπος τῷ πλησίον αὐτοῦ· «Δεῦτε πλινθεύσωμεν πλίνθους καὶ ὀπτήσωμεν αὐτὰς πυρί». 3β καὶ ἐγένετο αὐτοῖς ἡ πλίνθος εἰς λίθον, καὶ ἄσφαλτος ἦν αὐτοῖς ὁ πηλός. 4 καὶ εἶπαν· «Δεῦτε οἰκοδομήσωμεν ἑαυτοῖς πόλιν καὶ πύργον, οὗ ἔσται ἡ κεφαλὴ ἕως τοῦ οὐρανοῦ, 4β καὶ ποιήσωμεν ἑαυτοῖς ὄνομα πρὸ τοῦ διασπαρῆναι ἡμᾶς ἐπὶ προσώπου πάσης τῆς γῆς. 5 καὶ κατέβη Κύριος ἰδεῖν τὴν πόλιν καὶ τὸν πύργον, ὃν ᾠκοδόμησαν οἱ υἱοὶ τῶν ἀνθρώπων. 6 καὶ εἶπε Κύριος· «᾿Ιδοὺ γένος ἓν καὶ χεῖλος ἓν πάντων, καὶ τοῦτο ἤρξαντο ποιῆσαι, 6β καὶ νῦν οὐκ ἐκλείψει ἀπ᾿ αὐτῶν πάντα ὅσα ἂν ἐπιθῶνται ποιεῖν. 7 δεῦτε καὶ καταβάντες συγχέωμεν αὐτῶν ἐκεῖ τὴν γλῶσσαν, ἵνα μὴ ἀκούσωσιν ἕκαστος τὴν φωνὴν τοῦ πλησίον». 8 καὶ διέσπειρεν αὐτοὺς Κύριος ἐκεῖθεν ἐπὶ πρόσωπον πάσης τῆς γῆς, 8β καὶ ἐπαύσαντο οἰκοδομοῦντες τὴν πόλιν καὶ τὸν πύργον. 9 διὰ τοῦτο ἐκλήθη τὸ ὄνομα αὐτῆς «Σύγχυσις», ὅτι ἐκεῖ συνέχεε Κύριος τὰ χείλη πάσης τῆς γῆς, 9β καὶ ἐκεῖθεν διέσπειρεν αὐτοὺς Κύριος ἐπὶ πρόσωπον πάσης τῆς γῆς.
[Λόγος 12ος]
10 Καὶ αὗται αἱ γενέσεις Σήμ. καὶ ἦν Σὴμ υἱὸς [ἑκατὸν] ἐτῶν, 10β ὅτε ἐγέννησε τὸν ᾿Αρφαξάδ, δευτέρου ἔτους μετὰ τὸν κατακλυσμόν. 11 καὶ ἔζησε Σὴμ μετὰ τὸ γεννῆσαι αὐτὸν τὸν ᾿Αρφαξὰδ ἔτη [πεντακόσια] καὶ ἐγέννησεν υἱοὺς καὶ θυγατέρας καὶ ἀπέθανε.
12 Καὶ ἔζησεν ᾿Αρφαξὰδ [ἑκατὸν τριάκοντα πέντε] ἔτη καὶ ἐγέννησε τὸν Καϊνᾶν. 13 καὶ ἔζησεν ᾿Αρφαξὰδ μετὰ τὸ γεννῆσαι αὐτὸν τὸν Καϊνᾶν ἔτη [τετρακόσια] καὶ ἐγέννησεν υἱοὺς καὶ θυγατέρας καὶ ἀπέθανε.
13β Καὶ ἔζησε Καϊνᾶν [ἑκατὸν καὶ τριάκοντα] ἔτη καὶ ἐγέννησε τὸν Σαλά. 13γ καὶ ἔζησε Καϊνᾶν μετὰ τὸ γεννῆσαι αὐτὸν τὸν Σαλὰ ἔτη [τριακόσια τριάκοντα] καὶ ἐγέννησεν υἱοὺς καὶ θυγατέρας καὶ ἀπέθανε.
14 Καὶ ἔζησε Σαλὰ [ἑκατὸν τριάκοντα] ἔτη καὶ ἐγέννησε τὸν ῎Εβερ. 15 καὶ ἔζησε Σαλὰ μετὰ τὸ γεννῆσαι αὐτὸν τὸν ῎Εβερ [τριακόσια τριάκοντα] ἔτη καὶ ἐγέννησεν υἱοὺς καὶ θυγατέρας καὶ ἀπέθανε.
16 Καὶ ἔζησεν ῎Εβερ [ἑκατὸν τριάκοντα τέσσαρα] ἔτη καὶ ἐγέννησε τὸν Φαλέγ. 17 καὶ ἔζησεν ῎Εβερ μετὰ τὸ γεννῆσαι αὐτὸν τὸν Φαλὲγ ἔτη [διακόσια ἑβδομήκοντα] καὶ ἐγέννησεν υἱοὺς καὶ θυγατέρας καὶ ἀπέθανε.
18 Καὶ ἔζησε Φαλὲγ [τριάκοντα καὶ ἑκατὸν] ἔτη καὶ ἐγέννησε τὸν ῾Ραγαῦ. 19 καὶ ἔζησε Φαλὲγ μετὰ τὸ γεννῆσαι αὐτὸν τὸν ῾Ραγαῦ [ἐννέα καὶ διακόσια] ἔτη καὶ ἐγέννησεν υἱοὺς καὶ θυγατέρας καὶ ἀπέθανε.
20 Καὶ ἔζησε ῾Ραγαῦ [ἑκατὸν τριάκοντα καὶ δύο] ἔτη καὶ ἐγέννησε τὸν Σερούχ. 21 καὶ ἔζησε ῾Ραγαῦ μετὰ τὸ γεννῆσαι αὐτὸν τὸν Σεροὺχ [διακόσια ἑπτὰ] ἔτη καὶ ἐγέννησεν υἱοὺς καὶ θυγατέρας καὶ ἀπέθανε.
22 Καὶ ἔζησε Σεροὺχ [ἑκατὸν τριάκοντα] ἔτη καὶ ἐγέννησε τὸν Ναχώρ. 23 καὶ ἔζησε Σεροὺχ μετὰ τὸ γεννῆσαι αὐτὸν τὸν Ναχὼρ ἔτη [διακόσια] καὶ ἐγέννησεν υἱοὺς καὶ θυγατέρας καὶ ἀπέθανε.
24 Καὶ ἔζησε Ναχὼρ ἔτη [ἑκατὸν ἑβδομήκοντα ἐννέα] καὶ ἐγέννησε τὸν Θάρα. 25 καὶ ἔζησε Ναχὼρ μετὰ τὸ γεννῆσαι αὐτὸν τὸν Θάρα ἔτη [ἑκατὸν εἴκοσι πέντε] καὶ ἐγέννησεν υἱοὺς καὶ θυγατέρας καὶ ἀπέθανε.
26 Καὶ ἔζησε Θάρα [ἑβδομήκοντα] ἔτη καὶ ἐγέννησε τὸν ῎Αβραμ καὶ τὸν Ναχὼρ καὶ τὸν ᾿Αρράν. 27 Αὗται [δὲ](1) αἱ γενέσεις Θάρα· Θάρα ἐγέννησε τὸν ῎Αβραμ καὶ τὸν Ναχὼρ καὶ τὸν ᾿Αρράν, καὶ ᾿Αρρὰν ἐγέννησε τὸν Λώτ(2). 28 καὶ ἀπέθανεν ᾿Αρρὰν ἐνώπιον Θάρα τοῦ πατρὸς αὐτοῦ ἐν τῇ γῇ ᾗ ἐγεννήθη, ἐν τῇ χώρᾳ τῶν Χαλδαίων. 29 καὶ ἔλαβον ῎Αβραμ καὶ Ναχὼρ ἑαυτοῖς γυναῖκας· 29β ὄνομα τῇ γυναικὶ ῎Αβραμ Σάρα, καὶ ὄνομα τῇ γυναικὶ Ναχὼρ Μελχά, θυγάτηρ ᾿Αρρὰν καὶ πατὴρ Μελχὰ καὶ πατὴρ ᾿Ιεσχά. 30 καὶ ἦν Σάρα στεῖρα καὶ οὐκ ἐτεκνοποίει.
31 Καὶ ἔλαβε Θάρα τὸν ῎Αβραμ υἱὸν αὐτοῦ καὶ τὸν Λὼτ υἱὸν ᾿Αρράν, υἱὸν τοῦ υἱοῦ αὐτοῦ, 31β καὶ τὴν Σάραν τὴν νύμφην αὐτοῦ, γυναῖκα ῎Αβραμ τοῦ υἱοῦ αὐτοῦ, 31γ καὶ ἐξήγαγεν αὐτοὺς ἐκ τῆς χώρας τῶν Χαλδαίων πορευθῆναι εἰς γῆν Χαναάν, καὶ ἦλθον ἕως Χαρράν, καὶ κατῴκησεν ἐκεῖ. 32 καὶ ἐγένοντο πᾶσαι αἱ ἡμέραι Θάρα ἐν γῇ Χαρρὰν [διακόσια πέντε] ἔτη, καὶ ἀπέθανε Θάρα ἐν Χαρράν.
Παραπομπαί
11. 1) Ησ 19:18. Σφν 3:9. Πρξ 2:1-11.
2) 11:9· 10:10· 13:11· 14:1. Ησ 11:11. Δν 1:2. Ζχ 5:11.
3) 11:4,7· 14:10. Εξ 1:14· 2:3· 5:7-18. 2Βασ 12:31. Ψ 63:5. Πρμ 1:11. Εκ 2:1. Ησ 5:5· 9:10· 41:6,7· 65:3. Να 3:14. Εβρ 3:13· 10:24. Ιακ 4:13· 5:1.
4) 11:8,9. Δευτ 1:28· 9:1. 2Βασ 8:13. Ψ 48:11-13· 91:9. Πρμ 10:7. Ησ 14:12-14. Ιερ 28:53. Δν 4:11,22,30. Ιω 5:44. Λκ 1:51.
5) 18:21. Εξ 19:11. Ψ 10:4· 32:13,14. Ιερ 23:23,24. Ιω 3:13. Εβρ 4:13.
6) 11:1· 3:22· 6:5· 8:21· 9:19. Πρξ 17:26. Ψ 1:1· 2:1-4. Κρ 10:14. 3Βασ 18:27. Εκ 11:9. Λκ 1:51.
7) 1:26· 42:23. Δευτ 28:49. Ψ 2:4. Ιερ 5:15. Πρξ 2:4-6. 1Κορ 14:2,11.
8) 11:4,9· 10:25,32· 49:7. Δευτ. 32:8. Λκ 1:51. Πρξ 17:26.
9) Ιω 11:52. 1Κορ 14:23.
10-32) 1Παρ 1:24-27. Λκ 3:34-36.
10) 11:27· 10:21,22. 1Παρ 1:17-27. Λκ 3:34-36.
11) 1:28· 5:4-32· 9:7. Ψ 126:3,4· 127:3,4· 143:12.
12-13) Λκ 3:35-36.
13) 1Παρ 1:17.
14-15) 1Παρ 1:(18),24-25.
16-17) 10:21,25. Αρ 24:24. 1Παρ 1:9,(19),25. Λκ 3:35.
18-19) 1Παρ 1:25. Λκ 3:35.
20-21) 1Παρ 1:25-26. Λκ 3:35.
22-23) ΙσΝ 24:2.
24-25) Λκ 3:34.
26) 12:4,5· 22:20-24· 29:4,5. ΙσΝ 24:2. 1Παρ 1:26-27.
27) 11:31· 12:4· 13:1-11· 14:12· 19:1-29. ΙσΝ 24:2. 1Παρ 1:26. 2Πετ 2:7.
28) 15:7. Νε 9:7. Πρξ 7:2-4.
29) 17:15· 20:12· 22:20-23· 24:15.
30) 15:2,3· 16:1,2· 17:17,19-21· 18:11,12· 21:1,2· 25:21· 29:31· 30:1,2. Κρ 13:2. 1Βασ 1:2. Ψ 112:9. Λκ 1:7,36.
31-32) 12:1· 15:7. 1Παρ 1:26-27. ΙσΝ 24:2. Νε 9:7. Λκ 3:34. Πρξ 7:4.
Σημειώσεις 11ου κεφαλαίου
(1) Εἰς ΠΜ τὸ [δὲ] παραλείπεται.
(2) Λὼτ σημαίνει «καλύπτρα» κατά τινα ἑρμηνείαν.
᾿Εξηγήσεις συμβόλων καὶ στοιχείων
Γένεσις
ΚΕΦΑΛΑΙΟΝ 11
[Λόγος 11ος]
11.1 Καὶ ἦν πᾶσα ἡ γῆ χεῖλος ἕν, καὶ φωνὴ μία πᾶσι. 2 καὶ ἐγένετο ἐν τῷ κινῆσαι αὐτοὺς ἀπὸ ἀνατολῶν, εὗρον πεδίον ἐν γῇ Σενναὰρ καὶ κατῴκησαν ἐκεῖ. 3 καὶ εἶπεν ἄνθρωπος τῷ πλησίον αὐτοῦ· «Δεῦτε πλινθεύσωμεν πλίνθους καὶ ὀπτήσωμεν αὐτὰς πυρί». 3β καὶ ἐγένετο αὐτοῖς ἡ πλίνθος εἰς λίθον, καὶ ἄσφαλτος ἦν αὐτοῖς ὁ πηλός. 4 καὶ εἶπαν· «Δεῦτε οἰκοδομήσωμεν ἑαυτοῖς πόλιν καὶ πύργον, οὗ ἔσται ἡ κεφαλὴ ἕως τοῦ οὐρανοῦ, 4β καὶ ποιήσωμεν ἑαυτοῖς ὄνομα πρὸ τοῦ διασπαρῆναι ἡμᾶς ἐπὶ προσώπου πάσης τῆς γῆς. 5 καὶ κατέβη Κύριος ἰδεῖν τὴν πόλιν καὶ τὸν πύργον, ὃν ᾠκοδόμησαν οἱ υἱοὶ τῶν ἀνθρώπων. 6 καὶ εἶπε Κύριος· «᾿Ιδοὺ γένος ἓν καὶ χεῖλος ἓν πάντων, καὶ τοῦτο ἤρξαντο ποιῆσαι, 6β καὶ νῦν οὐκ ἐκλείψει ἀπ᾿ αὐτῶν πάντα ὅσα ἂν ἐπιθῶνται ποιεῖν. 7 δεῦτε καὶ καταβάντες συγχέωμεν αὐτῶν ἐκεῖ τὴν γλῶσσαν, ἵνα μὴ ἀκούσωσιν ἕκαστος τὴν φωνὴν τοῦ πλησίον». 8 καὶ διέσπειρεν αὐτοὺς Κύριος ἐκεῖθεν ἐπὶ πρόσωπον πάσης τῆς γῆς, 8β καὶ ἐπαύσαντο οἰκοδομοῦντες τὴν πόλιν καὶ τὸν πύργον. 9 διὰ τοῦτο ἐκλήθη τὸ ὄνομα αὐτῆς «Σύγχυσις», ὅτι ἐκεῖ συνέχεε Κύριος τὰ χείλη πάσης τῆς γῆς, 9β καὶ ἐκεῖθεν διέσπειρεν αὐτοὺς Κύριος ἐπὶ πρόσωπον πάσης τῆς γῆς.
[Λόγος 12ος]
11.10 Καὶ αὗται αἱ γενέσεις Σήμ. καὶ ἦν Σὴμ υἱὸς [ἑκατὸν] ἐτῶν, ὅτε ἐγέννησε τὸν ᾿Αρφαξάδ, δευτέρου ἔτους μετὰ τὸν κατακλυσμόν. 11 καὶ ἔζησε Σὴμ μετὰ τὸ γεννῆσαι αὐτὸν τὸν ᾿Αρφαξὰδ ἔτη [πεντακόσια] καὶ ἐγέννησεν υἱοὺς καὶ θυγατέρας καὶ ἀπέθανε.
11.12 Καὶ ἔζησεν ᾿Αρφαξὰδ [ἑκατὸν τριάκοντα πέντε] ἔτη καὶ ἐγέννησε τὸν Καϊνᾶν. 13 καὶ ἔζησεν ᾿Αρφαξὰδ μετὰ τὸ γεννῆσαι αὐτὸν τὸν Καϊνᾶν ἔτη [τετρακόσια] καὶ ἐγέννησεν υἱοὺς καὶ θυγατέρας καὶ ἀπέθανε.
11.13β Καὶ ἔζησε Καϊνᾶν [ἑκατὸν καὶ τριάκοντα] ἔτη καὶ ἐγέννησε τὸν Σαλά. 13γ καὶ ἔζησε Καϊνᾶν μετὰ τὸ γεννῆσαι αὐτὸν τὸν Σαλὰ ἔτη [τριακόσια τριάκοντα] καὶ ἐγέννησεν υἱοὺς καὶ θυγατέρας καὶ ἀπέθανε.
11.14 Καὶ ἔζησε Σαλὰ [ἑκατὸν τριάκοντα] ἔτη καὶ ἐγέννησε τὸν ῎Εβερ. 15 καὶ ἔζησε Σαλὰ μετὰ τὸ γεννῆσαι αὐτὸν τὸν ῎Εβερ [τριακόσια τριάκοντα] ἔτη καὶ ἐγέννησεν υἱοὺς καὶ θυγατέρας καὶ ἀπέθανε.
11.16 Καὶ ἔζησεν ῎Εβερ [ἑκατὸν τριάκοντα τέσσαρα] ἔτη καὶ ἐγέννησε τὸν Φαλέγ. 17 καὶ ἔζησεν ῎Εβερ μετὰ τὸ γεννῆσαι αὐτὸν τὸν Φαλὲγ ἔτη [διακόσια ἑβδομήκοντα] καὶ ἐγέννησεν υἱοὺς καὶ θυγατέρας καὶ ἀπέθανε.
11.18 Καὶ ἔζησε Φαλὲγ [τριάκοντα καὶ ἑκατὸν] ἔτη καὶ ἐγέννησε τὸν ῾Ραγαῦ. 19 καὶ ἔζησε Φαλὲγ μετὰ τὸ γεννῆσαι αὐτὸν τὸν ῾Ραγαῦ [ἐννέα καὶ διακόσια] ἔτη καὶ ἐγέννησεν υἱοὺς καὶ θυγατέρας καὶ ἀπέθανε.
11.20 Καὶ ἔζησε ῾Ραγαῦ [ἑκατὸν τριάκοντα καὶ δύο] ἔτη καὶ ἐγέννησε τὸν Σερούχ. 21 καὶ ἔζησε ῾Ραγαῦ μετὰ τὸ γεννῆσαι αὐτὸν τὸν Σεροὺχ [διακόσια ἑπτὰ] ἔτη καὶ ἐγέννησεν υἱοὺς καὶ θυγατέρας καὶ ἀπέθανε.
11.22 Καὶ ἔζησε Σεροὺχ [ἑκατὸν τριάκοντα] ἔτη καὶ ἐγέννησε τὸν Ναχώρ. 23 καὶ ἔζησε Σεροὺχ μετὰ τὸ γεννῆσαι αὐτὸν τὸν Ναχὼρ ἔτη [διακόσια] καὶ ἐγέννησεν υἱοὺς καὶ θυγατέρας καὶ ἀπέθανε.
11.24 Καὶ ἔζησε Ναχὼρ ἔτη [ἑκατὸν ἑβδομήκοντα ἐννέα] καὶ ἐγέννησε τὸν Θάρα. 25 καὶ ἔζησε Ναχὼρ μετὰ τὸ γεννῆσαι αὐτὸν τὸν Θάρα ἔτη [ἑκατὸν εἴκοσι πέντε] καὶ ἐγέννησεν υἱοὺς καὶ θυγατέρας καὶ ἀπέθανε.
11.26 Καὶ ἔζησε Θάρα [ἑβδομήκοντα] ἔτη καὶ ἐγέννησε τὸν ῎Αβραμ καὶ τὸν Ναχὼρ καὶ τὸν ᾿Αρράν. 27 Αὗται [δὲ](1) αἱ γενέσεις Θάρα· Θάρα ἐγέννησε τὸν ῎Αβραμ καὶ τὸν Ναχὼρ καὶ τὸν ᾿Αρράν, καὶ ᾿Αρρὰν ἐγέννησε τὸν Λώτ(2). 28 καὶ ἀπέθανεν ᾿Αρρὰν ἐνώπιον Θάρα τοῦ πατρὸς αὐτοῦ ἐν τῇ γῇ ᾗ ἐγεννήθη, ἐν τῇ χώρᾳ τῶν Χαλδαίων. 29 καὶ ἔλαβον ῎Αβραμ καὶ Ναχὼρ ἑαυτοῖς γυναῖκας· 29β ὄνομα τῇ γυναικὶ ῎Αβραμ Σάρα, καὶ ὄνομα τῇ γυναικὶ Ναχὼρ Μελχά, θυγάτηρ ᾿Αρρὰν καὶ πατὴρ Μελχὰ καὶ πατὴρ ᾿Ιεσχά. 30 καὶ ἦν Σάρα στεῖρα καὶ οὐκ ἐτεκνοποίει.
11.31 Καὶ ἔλαβε Θάρα τὸν ῎Αβραμ υἱὸν αὐτοῦ καὶ τὸν Λὼτ υἱὸν ᾿Αρράν, υἱὸν τοῦ υἱοῦ αὐτοῦ, 31β καὶ τὴν Σάραν τὴν νύμφην αὐτοῦ, γυναῖκα ῎Αβραμ τοῦ υἱοῦ αὐτοῦ, 31γ καὶ ἐξήγαγεν αὐτοὺς ἐκ τῆς χώρας τῶν Χαλδαίων πορευθῆναι εἰς γῆν Χαναάν, καὶ ἦλθον ἕως Χαρράν, καὶ κατῴκησεν ἐκεῖ. 32 καὶ ἐγένοντο πᾶσαι αἱ ἡμέραι Θάρα ἐν γῇ Χαρρὰν [διακόσια πέντε] ἔτη, καὶ ἀπέθανε Θάρα ἐν Χαρράν.
Παραπομπαί
(ἡ παραπομπὴ Χ:0 σημαίνει ὅλον τὸ Χ κεφάλαιον)
11. 1) Πρξ 2:1-11. 4) Δευτ 1:28. Ησ 14:12-14. Ιερ 28:53. 5) 18:21. 6) 3:22· 9:19. Πρξ 17:26. Ψ 1:1· 2:1. 7) 1:26· 42:23. Δευτ 28:49. Ψ 2:4. Ιερ 5:15. Πρξ 2:4-6. 1Κορ 14:2,11. 8) 10:25,32. Λκ 1:51. 9) Ιω 11:52. 1Κορ 14:23. 10-32) 1Παρ 1:24-27. Λκ 3:34-36. 10) 10:22. 1Παρ 1:17,24. Λκ 3:36. 12-13) Λκ 3:36. 16) 1Παρ 1:9,25. Λκ 3:35. 20) Λκ 3:35. 24) Λκ 3:34. 26) ΙσΝ 24:2. 1Παρ 1:26-27. 29) 17:15· 20:12· 22:20-23· 24:15. 30) 16:1,2· 17:17,19-21· 18:11,12. 31) 12:1· 15:7. Νε 9:7. Πρξ 7:4· 10:19.
Σημειώσεις 11ου κεφαλαίου
(1) Εἰς ΠΜ τὸ [δὲ] παραλείπεται.
(2) Λὼτ σημαίνει «καλύπτρα» κατά τινα ἑρμηνείαν.