συμβολή

Α΄ πρὸς Κορινθίους

ἐπιστολὴ Παύλου

ΚΕΦΑΛΑΙΟΝ 3 ⁽¹⁾

[Λόγος 4ος]

3. ¹ Καὶ ἐγώ, ἀδελφοί, οὐκ ἠδυνήθην ὑμῖν λαλῆσαι ὡς πνευματικοῖς, ἀλλ᾿ ὡς σαρκικοῖς, ὡς νηπίοις ἐν Χριστῷ. ² γάλα ὑμᾶς ἐπότισα καὶ οὐ βρῶμα· οὔπω γὰρ ἠδύνασθε. ^2β ἀλλ᾿ οὔτε ἔτι νῦν δύνασθε· ἔτι γὰρ σαρκικοί ἐστε. ³ ὅπου γὰρ ἐν ὑμῖν ζῆλος καὶ ἔρις καὶ διχοστασίαι, οὐχὶ σαρκικοί ἐστε καὶ κατὰ ἄνθρωπον περιπατεῖτε; ⁴ ὅταν γὰρ λέγῃ τις «᾿Εγὼ μέν εἰμι Παύλου», ἕτερος δὲ «᾿Εγὼ ᾿Απολλώ», οὐχὶ σαρκικοί ἐστε;

3. ⁵ Τίς οὖν ἐστι Παῦλος, τίς δὲ ᾿Απολλὼς ἀλλ᾿ ἢ διάκονοι ^5β δι᾿ ὧν ἐπι­στεύσατε, καὶ ἑκάστῳ ὡς ὁ Κύριος ἔδωκεν; ⁶ ἐγὼ ἐφύτευσα, ᾿Απολλὼς ἐπότισεν, ἀλλ᾿ ὁ Θεὸς ηὔξανεν· ⁷ ὥστε οὔτε ὁ φυτεύων ἐστί τι οὔτε ὁ ποτί­ζων, ἀλλ᾿ ὁ αὐξάνων Θεός. ⁸ ὁ φυτεύων δὲ καὶ ὁ ποτίζων ἕν εἰσιν· ^8β ἕκα­στος δὲ τὸν ἴδιον μισθὸν λήψεται κατὰ τὸν ἴδιον κόπον. ⁹ Θεοῦ γάρ ἐσμεν συνεργοί· Θεοῦ γεώργιον, Θεοῦ οἰκοδομή ἐστε.

3. ¹⁰ Κατὰ τὴν χάριν τοῦ Θεοῦ τὴν δοθεῖσάν μοι ὡς σοφὸς ἀρχιτέκτων θε­μέλιον τέθεικα, ^10β ἄλλος δὲ ἐποικοδομεῖ· ἕκαστος δὲ βλεπέτω πῶς ἐποικο­δομεῖ· ¹¹ θεμέλιον γὰρ ἄλλον οὐδεὶς δύναται θεῖναι παρὰ τὸν κείμενον, ὅς ἐστιν ᾿Ιησοῦς Χριστός. ¹² εἰ δέ τις ἐποικοδομεῖ ἐπὶ τὸν θεμέλιον τοῦτον χρυσόν, ἄργυρον, ^12β λίθους τιμίους, ξύλα, χόρτον, καλάμην, ¹³ ἑκάστου τὸ ἔργον φανερὸν γενήσεται· ^13β ἡ γὰρ ἡμέρα δηλώσει· ὅτι ἐν πυρὶ ἀποκαλύ­πτεται· ^13γ καὶ ἑκάστου τὸ ἔργον ὁποῖόν ἐστι τὸ πῦρ δοκιμάσει. ¹⁴ εἴ τινος τὸ ἔργον μενεῖ ὃ ἐπῳκοδόμησε, μισθὸν λήψεται· ¹⁵ εἴ τινος τὸ ἔργον κατα­καήσεται, ζημιωθήσεται, ^15β αὐτὸς δὲ σωθήσεται, οὕτω δὲ ὡς διὰ πυρός. ¹⁶ Οὐκ οἴδατε ὅτι ναὸς Θεοῦ ἐστε καὶ τὸ Πνεῦμα τοῦ Θεοῦ οἰκεῖ ἐν ὑμῖν; ¹⁷ εἴ τις τὸν ναὸν τοῦ Θεοῦ φθείρει, φθερεῖ τοῦτον ὁ Θεός· ^17β ὁ γὰρ ναὸς τοῦ Θεοῦ ἅγιός ἐστιν, οἵτινές ἐστε ὑμεῖς.

3. ¹⁸ Μηδεὶς ἑαυτὸν ἐξαπατάτω· εἴ τις δοκεῖ σοφὸς εἶναι ἐν ὑμῖν ἐν τῷ αἰῶνι τούτῳ, ^18β μωρὸς γενέσθω, ἵνα γένηται σοφός. ¹⁹ ἡ γὰρ σοφία τοῦ κόσμου τούτου μωρία παρὰ τῷ Θεῷ ἐστι. ^19β γέγραπται γάρ· ὁ δρασσόμε­νος τοὺς σοφοὺς ἐν τῇ πανουργίᾳ αὐτῶν· ²⁰ καὶ πάλιν· Κύριος γινώσκει τοὺς διαλογισμοὺς τῶν σοφῶν, ὅτι εἰσὶ μάταιοι. ²¹ ὥστε μηδεὶς καυχά­σθω ἐν ἀνθρώποις· ²² πάντα γὰρ ὑμῶν ἐστιν, ⁽²⁾ εἴτε Παῦλος εἴτε ᾿Απολλὼς εἴτε Κηφᾶς εἴτε κόσμος ^22β εἴτε ζωὴ εἴτε θάνατος εἴτε ἐνεστῶτα εἴτε μέλ­λοντα, πάντα ὑμῶν ἐστιν, ²³ ὑμεῖς δὲ Χριστοῦ, Χριστὸς δὲ Θεοῦ.

Παραπομπαί

3. ^1-2) 2:14,15. Ρμ 6:19· 7:14. Εφ 4:14. Εβρ 5:11-6:1. 1Πετ 2:2. Ιω 16:12. ³) 4:9.  ^3-4) 1:11,12,22.  2Κορ 12:20. Ρμ 8:4. Γαλ 5:19,20,22. Ιακ 3:16.  ⁵) 1:12· 4:1· 7:17· 16:12. 2Κορ 4:5. Ρμ 12:3. Πρξ 18:24.  ^6-7) 3:10· 4:15· 9:7· 15:10. Μτ 15:13· 21:33. Πρξ 16:14· 18:1-19:1.  ⁸) Ψ 61:12. Ιερ 17:10· 32:19. 1Κορ 3:14,15· 4:15. Ρμ 2:6. Γαλ 6:5. Μτ 16:27. Απ 2:23· 22:12.  ⁹) 3:16. 2Κορ 6:1. Εφ 2:20,21. Κλσ 2:7. Εβ 3:2,3,4,6. 1Πετ 2:5. Μτ 21:28,33.  ¹⁰) Ρμ 1:5· 12:3· 15:15,20. 2Πετ 3:15. Απ 21:14.  ¹¹) Ησ 28:16. Εφ 2:20. 2Τιμ 2:19. 1Πετ 2:4-6. Μτ 16:18· 21:42.  ¹¹) Εφ 2:20. 2Τιμ 2:19. 1Πετ 2:4-6. Μτ 16:18· 21:42.  ^12-13) Μλχ 4:1. Δν 7:9,10. 1Κορ 4:5. 2Θεσ 1:7,8. Εβρ 10:25. 2Πετ 1:19· 3:10.  ¹³) Ησ 8:20· 48:10. Ιερ 23:29. 1Πετ 1:7· 4:12.  ^14-15) 3:8· 2:1-8. Ιδ 23. (Αμ 4:11. Ζχ 3:2).  ¹⁶) Εφ 2:21,22. Εβ 3:6. 1Πετ 2:5.  ^16-17) 3:9· 6:19· 8:11. 2Κορ 6:16. Πρξ 13:8-11.  ¹⁸) Ησ 5:21.  ^18-20) Πρμ 3:7. Ιωβ 5:12,13. Ψ 93:11. 1Κορ 1:17-2:8, 14· 8:2. Ρμ 12:16. Γαλ 6:3. Απ 3:17,18. ²⁰) Ψ 48:11.  ^21-23) 1:12,31· 3:4,5· 4:6· 11:3· 15:28. Ρμ 8:38,39· 14:8. Φιλ 1:21. Ιω 14:28.

Σημειώσεις 3ου κεφαλαίου

(1) ῾Η διαίρεσις τοῦ παρόντος κεφαλαίου εἰς παραγράφους κρίνεται φυσικωτέρα, ὑπάρχει δὲ καὶ εἰς ΒΑ, μόνον ὅτι ἐκεῖ φέρονται ὡς ἡμιπαράγραφοι· εἰς ἄλλας ἐκδόσεις ὑπάρχουν διαφορετικαὶ διαιρέσεις παραγράφων.

(2) Κατὰ ΒΑ ὁ στίχος 22 ἄρχεται ὡς δηλοῦται ἐνταῦθα, ἀπὸ τοῦ πάντα γὰρ ὑμῶν ἐστι· κατὰ τὰς λοιπὰς ἐντύπους ἐκδόσεις ἄρχεται ἀπὸ τοῦ εἴτε Παῦλος εἴτε ᾿Απολλώς.