συμβολή

Α΄ πρὸς Κορινθίους

ἐπιστολὴ Παύλου

ΚΕΦΑΛΑΙΟΝ 4

[Λόγος 5ος (4:1-20)]

¹ Οὕτως ἡμᾶς λογιζέσθω ἄνθρωπος, ὡς ὑπηρέτας Χριστοῦ καὶ οἰκονό­μους μυστηρίων Θεοῦ. ² ὃ δὲ λοιπὸν ζητεῖται ἐν τοῖς οἰκονόμοις, ἵνα πιστός τις εὑρεθῇ. ³ ἐμοὶ δὲ εἰς ἐλάχιστόν ἐστιν ἵνα ὑφ᾿ ὑμῶν ἀνακριθῶ ἢ ὑπὸ ἀν­θρωπίνης ἡμέρας· ^3β ἀλλ᾿ οὐδὲ ἐμαυτὸν ἀνακρίνω· ⁴ οὐδὲν γὰρ ἐμαυτῷ σύν­οιδα· ἀλλ᾿ οὐκ ἐν τούτῳ δεδικαίωμαι· ^4β ὁ δὲ ἀνακρίνων με Κύριός ἐστιν. ⁵ ὥστε μὴ πρὸ καιροῦ τι κρίνετε, ἕως ἂν ἔλθῃ ὁ Κύριος, ^5β ὃς καὶ φωτίσει τὰ κρυπτὰ τοῦ σκότους καὶ φανερώσει τὰς βουλὰς τῶν καρδιῶν, ^5γ καὶ τότε ὁ ἔπαινος γενήσεται ἑκάστῳ ἀπὸ τοῦ Θεοῦ.

⁶ Ταῦτα δέ, ἀδελφοί, μετεσχημάτισα εἰς ἐμαυτὸν καὶ ᾿Απολλὼ δι᾿ ὑμᾶς, ^6β ἵνα ἐν ἡμῖν μάθητε τὸ μὴ ὑπὲρ ὃ γέγραπται φρονεῖν, ^6γ ἵνα μὴ εἷς ὑπὲρ τοῦ ἑνὸς φυσιοῦσθε κατὰ τοῦ ἑτέρου. ⁷ τίς γάρ σε διακρίνει; τί δὲ ἔχεις ὃ οὐκ ἔλαβες; ^7β εἰ δὲ καὶ ἔλαβες, τί καυχᾶσαι ὡς μὴ λαβών; ⁸ ἤδη κεκορεσμένοι ἐστέ, ἤδη ἐπλουτήσατε, χωρὶς ἡμῶν ἐβασιλεύσατε· ^8β καὶ ὄ­φελόν γε ἐβασιλεύσατε, ἵνα καὶ ἡμεῖς ὑμῖν συμβασιλεύσωμεν. ⁹ δοκῶ γὰρ ὅτι ὁ Θεὸς ἡμᾶς τοὺς ἀποστόλους ἐσχάτους ἀπέδειξεν, ὡς ἐπιθανατίους, ^9β ὅτι θέατρον ἐγενήθημεν τῷ κόσμῳ, καὶ ἀγγέλοις καὶ ἀνθρώποις. ¹⁰ ἡμεῖς μωροὶ διὰ Χριστόν, ὑμεῖς δὲ φρόνιμοι ἐν Χριστῷ· ^10β ἡμεῖς ἀσθενεῖς, ὑμεῖς δὲ ἰσχυροί· ὑμεῖς ἔνδοξοι, ἡμεῖς δὲ ἄτιμοι. ¹¹ ἄχρι τῆς ἄρτι ὥρας καὶ πεινῶ­μεν καὶ διψῶμεν καὶ γυμνητεύομεν καὶ κολαφιζόμεθα ¹² καὶ ἀστατοῦμεν ⁽¹⁾ καὶ κοπιῶμεν ἐργαζόμενοι ταῖς ἰδίαις χερσί· ^12β λοιδορούμενοι εὐλογοῦμεν, διωκόμενοι ἀνεχόμεθα, βλασφημούμενοι παρακαλοῦμεν· ^{(2) 13} ὡς περικα­θάρματα τοῦ κόσμου ἐγενήθημεν, πάντων περίψημα ἕως ἄρτι.

¹⁴ Οὐκ ἐντρέπων ὑμᾶς γράφω ταῦτα, ἀλλ᾿ ὡς τέκνα μου ἀγαπητὰ νου­θετῶ. ¹⁵ ἐὰν γὰρ μυρίους παιδαγωγοὺς ἔχητε ἐν Χριστῷ, ἀλλ᾿ οὐ πολλοὺς πατέρας· ^15β ἐν γὰρ Χριστῷ ᾿Ιησοῦ διὰ τοῦ εὐαγγελίου ἐγὼ ὑμᾶς ἐγέννησα. ¹⁶ παρακαλῶ οὖν ὑμᾶς, μιμηταί μου γίνεσθε.

¹⁷ Διὰ τοῦτο ἔπεμψα ὑμῖν Τιμόθεον, ὅς ἐστι τέκνον μου ἀγαπητὸν καὶ πιστὸν ἐν Κυρίῳ, ^17β ὃς ὑμᾶς ἀναμνήσει τὰς ὁδούς μου τὰς ἐν Χριστῷ, κα­θὼς πανταχοῦ ἐν πάσῃ ἐκκλησίᾳ διδάσκω. ¹⁸ ὡς μὴ ἐρχομένου δέ μου πρὸς ὑμᾶς ἐφυσιώθησάν τινες· ¹⁹ ἐλεύσομαι δὲ ταχέως πρὸς ὑμᾶς, ἐὰν ὁ Κύριος θελήσῃ, ^19β καὶ γνώσομαι οὐ τὸν λόγον τῶν πεφυσιωμένων, ἀλλὰ τὴν δύνα­μιν· ²⁰ οὐ γὰρ ἐν λόγῳ ἡ βασιλείᾳ τοῦ Θεοῦ, ἀλλ᾿ ἐν δυνάμει.

[Λόγος 6ος (4:21 - 5:13)]

²¹ Τί θέλετε; ἐν ῥάβδῳ ἔλθω πρὸς ὑμᾶς ἢ ἐν ἀγάπῃ πνεύματί τε πρᾳό­τητος;

Παραπομπαί

4. ¹) 2Κορ 4:5· 6:4. Κλσ 1:25.

^1-2) 3:5-9· 9:17. Ττ 1:7. 1Πετ 4:10. Μτ 13:11· 24:45· 25:14-23. Λκ 12:42.

^3-4) Ιωβ 27:6. 1Κορ 1:8· 5:5. 2Κορ 1:12. 1Ιω 3:20,21. Ιω 5:31. Πρξ 23:1.

⁴) Εξ 34:7. Ιωβ 9:2. Ψ 129:3· 142:2. Ρμ 3:20· 4:2.

⁵) 3:13. 2Κορ 5:10. Ρμ 2:1,16,29. Μτ 7:1· 16:28. Απ 20:12. Δν 7:10.

⁶) 3:4 - 4:5. Ρμ 2:3· 12:3. Πρμ 3:7.

⁷) 12:6. Ρμ 12:6. Ιω 3:27. Ιακ 1:17. 1Πετ 4:9,10.

⁸) 1:5. Απ 3:17.

⁹) 15:5,8,9,10,30,31. 2Κορ 4:11· 11:5,23-25. Ρμ 8:36. Εφ 3:8. Εβρ 10:33. Μρ 9:35. Ψ 43:22.

¹⁰) 1:18,19· 2:3· 3:18. 2Κορ 11:19,21,22· 13:4,9.

^11-12) 9:4-6. 2Κορ 4:8-10· 11:20-28. 1Θεσ 2:9. 2Θεσ 3:8. Ρμ 12:14. Πρξ 20:34· 23:2. Μτ 5:44.

¹²) Μτ 5:44. Λκ 6:28· 23:34. Πρξ 7:60· 18:3.

¹³) Θρ 3:45. Πρξ 22:22.

¹⁴) 6:5· 15:34. 1Θεσ 2:11.

¹⁵) 3:6-15. Γαλ 3:24,25· 4:19. Φλμ 10. 1Πετ 1:23. Ιακ 1:18. Πρξ 18:7-11.

¹⁶) 11:1. Γαλ 4:12. Φιλ 3:17. 1Θεσ 1:6· 2:14. 2Θεσ 3:9.

¹⁷) 14:33· 16:10. Πρξ 16:1· 19:22. Φιλ 2:19-23. 1Θεσ 3:2. 1Τιμ 1:2. 2Τιμ 1:2.

¹⁸) 2Κορ 1:15· 2:3.

¹⁹) 16:5. Φιλ 2:24. Ρμ 15:32. Εβρ 6:3. Πρξ 18:21. Ιακ 4:15.

²⁰) 2:4,5. 2Κορ 10:4-6. 1Θεσ 1:5. Ρμ 14:17. 2Πετ 1:16.

²¹) 2Κορ 10:2,9-11· 13:10. Λκ 9:55.

Σημειώσεις 4ου κεφαλαίου

(1) ῾Η ἀρχὴ τοῦ στίχου 12 εἶναι μὲν ἀσαφὴς εἰς ΒΑ, ὑπεμφαίνεται ὅμως ἔκ τινων ἐν­δείξεων ὅτι πιθανὸν ἄρχεται ἐκ τῆς φράσεως καὶ ἀστατοῦμεν, ὅ περ καὶ μᾶλλον φυσικώ­τερον ἐν τῇ ῥοῇ τοῦ λόγου. Εἰς τὰς λοιπὰς ἐντύπους ἐκδόσεις ὁ στίχος ἄρχεται ἐκ τῆς ἑπομένης φράσεως καὶ κοπιῶμεν.

(2) ῾Η ἀρχὴ τοῦ στίχου 13 σημειοῦται κατὰ τὴν σαφῆ ἔνδειξιν τοῦ ΒΑ, ὅ περ καὶ ὁμαλώτερον. Εἰς τὰς λοιπὰς ἐντύπους ἐκδόσεις ὁ στίχος ἄρχεται ἐκ τῆς προηγουμένης φράσεως βλασφημούμενοι παρακαλοῦμεν, ποὺ εἶναι ἀνεπιτυχὴς διαίρεσις ὡς μὴ φυσική.

᾿Εξηγήσεις συμβόλων καὶ στοιχείων