συμβολή

 

Γένεσις

 

ΚΕΦΑΛΑΙΟΝ 19

 

[Λόγος 22ος]

 

¹ Ἦλθον δὲ οἱ δύο ἄγγελοι εἰς Σόδομα ἑσπέρας· Λὼτ δὲ ἐκάθητο παρὰ τὴν πύλην Σοδόμων. ^1β ἰδὼν δὲ Λώτ, ἐξανέστη⁽¹⁾ εἰς συνάντησιν αὐτοῖς καὶ προσεκύνησε τῷ προσώπῳ ἐπὶ τὴν γῆν. ² καὶ εἶπεν· «᾿Ιδού, κύριοι, ἐκκλίνα­τε εἰς τὸν οἶκον τοῦ παιδὸς ὑμῶν καὶ καταλύσατε ^2β καὶ νίψασθε⁽²⁾ τοὺς πόδας ὑμῶν, καὶ ὀρθρίσαντες ἀπελεύσεσθε εἰς τὴν ὁδὸν ὑμῶν». ^2γ καὶ⁽³⁾ εἶπαν· «Οὐχί, ἀλλ᾿ ἐν τῇ πλατείᾳ καταλύσομεν». ³ καὶ κατεβιάζετο αὐτούς, καὶ ἐξέκλιναν πρὸς αὐτὸν καὶ εἰσῆλθον εἰς τὸν οἶκον αὐτοῦ. ^3β καὶ ἐποίη­σεν αὐτοῖς πότον, καὶ ἀζύμους ἔπεψεν αὐτοῖς, καὶ ἔφαγον⁽⁴⁾. ⁴ πρὸ τοῦ κοιμηθῆναι δέ, οἱ ἄνδρες τῆς πόλεως οἱ Σοδομῖται περιεκύκλωσαν τὴν οἰκί­αν, ^4β ἀπὸ νεανίσκου ἕως πρεσβυτέρου, ἅπας ὁ λαὸς ἅμα. ⁵ καὶ ἐξεκαλοῦν­το τὸν Λὼτ καὶ ἔλεγον πρὸς αὐτόν· ^5β «Ποῦ εἰσιν οἱ ἄνδρες οἱ εἰσελθόντες πρὸς σὲ τὴν νύκτα; ^5γ ἐξάγαγε αὐτοὺς πρὸς ἡμᾶς, ἵνα συγγενώμεθα αὐ­τοῖς». ⁶ ἐξῆλθε δὲ Λὼτ πρὸς αὐτοὺς πρὸς τὸ πρόθυρον, τὴν δὲ θύραν προσέῳξεν ὀπίσω αὐτοῦ. ⁷ εἶπε δὲ πρὸς αὐτούς· «Μηδαμῶς, ἀδελφοί, μὴ πονηρεύσησθε. ⁸ εἰσὶ δέ μοι δύο θυγατέρες, αἳ οὐκ ἔγνωσαν ἄνδρα· ^8β ἐξά­ξω αὐτὰς πρὸς ὑμᾶς, καὶ χρᾶσθε⁽⁵⁾ αὐταῖς, καθὰ ἂν⁽⁶⁾ ἀρέσκῃ ὑμῖν· ^8γ μό­νον εἰς τοὺς ἄνδρας τούτους μὴ ποιήσητε μηδὲν⁽⁷⁾ ἄδικον, ^8δ οὗ εἵνεκεν εἰσ­ῆλθον ὑπὸ τὴν σκέπην τῶν δοκῶν μου». ⁹ εἶπαν δὲ αὐτῷ⁽⁸⁾· «᾿Απόστα ἐκεῖ. εἰσῆλθες παροικεῖν· μὴ καὶ κρίσιν κρίνειν; ^9β νῦν οὖν σὲ κακώσωμεν μᾶλλον ἢ ἐκείνους». ^9γ καὶ παρεβιάζοντο [τὸν ἄνδρα] τὸν Λὼτ σφόδρα· καὶ ἤγγι­σαν συντρῖψαι τὴν θύραν. ¹⁰ ἐκτείναντες δὲ οἱ ἄνδρες τὰς χεῖρας εἰσεσπά­σαντο τὸν Λὼτ πρὸς ἑαυτοὺς εἰς τὸν οἶκον, ^10β καὶ τὴν θύραν τοῦ οἴκου ἀ­πέκλεισαν· ¹¹ τοὺς δὲ ἄνδρας τοὺς ὄντας ἐπὶ τῆς θύρας τοῦ οἴκου ἐπάτα­ξαν ⁽⁹⁾ ἀορασίᾳ ἀπὸ μικροῦ ἕως μεγάλου· ^11β καὶ παρελύθησαν ζητοῦντες τὴν θύραν.

¹² Εἶπαν δὲ οἱ ἄνδρες πρὸς Λώτ· «῎Εστι τίς σοι⁽¹⁰⁾ ὧδε, γαμβροὶ ἢ υἱοὶ ἢ θυγατέρες; ^12β ἢ εἴτις σοι ἄλλος ἐστὶν ἐν τῇ πόλει, ἐξάγαγε ἐκ τοῦ τόπου τούτου· ¹³ ὅτι ἡμεῖς ἀπόλλυμεν τὸν τόπον τοῦτον, ὅτι ὑψώθη ἡ κραυγὴ αὐ­τῶν ἔναντι Κυρίου, ^13β καὶ ἀπέστειλεν ἡμᾶς Κύριος ἐκτρῖψαι αὐτήν». ¹⁴ ἐξ­ῆλθε δὲ Λὼτ καὶ ἐλάλησε πρὸς τοὺς γαμβροὺς αὐτοῦ τοὺς εἰληφότας τὰς θυγατέρας αὐτοῦ ^14β καὶ εἶπεν· «᾿Ανάστητε καὶ ἐξέλθετε ἐκ τοῦ τόπου τού­του, ὅτι ἐκτρίβει Κύριος τὴν πόλιν». ^14γ ἔδοξε δὲ γελοιάζειν ἐναντίον τῶν γαμβρῶν αὐτοῦ. ¹⁵ ἡνίκα δὲ ὄρθρος ἐγίνετο, ἐπεσπούδαζον⁽¹¹⁾ οἱ ἄγγελοι τὸν Λὼτ λέγοντες· ^15β «᾿Αναστὰς λάβε τὴν γυναῖκά σου καὶ τὰς δύο θυγα­τέρας σου, ἃς ἔχεις, ^15γ καὶ ἔξελθε, ἵνα μὴ καὶ σὺ συναπόλῃ ταῖς ἀνομίαις τῆς πόλεως». ¹⁶ καὶ ἐταράχθησαν· καὶ ἐκράτησαν οἱ ἄγγελοι τῆς χειρὸς αὐ­τοῦ καὶ τῆς χειρὸς τῆς γυναικὸς αὐτοῦ ^16β καὶ τῶν χειρῶν τῶν δύο θυγατέ­ρων αὐτοῦ, ἐν τῷ φείσασθαι Κύριον αὐτοῦ. ¹⁷ καὶ ἐγένετο ἡνίκα ἐξήγαγον αὐτοὺς ἔξω καὶ εἶπαν· «Σῴζων σῷζε τὴν σεαυτοῦ ψυχήν· ^17β μὴ περιβλέ­ψῃ⁽¹²⁾ εἰς τὰ ὀπίσω, μηδὲ στῇς ἐν πάσῃ τῇ περιχώρῳ· ^17γ εἰς τὸ ὄρος σῴζου, μήποτε συμπαραληφθῇς». ¹⁸ εἶπε δὲ Λὼτ πρὸς αὐτούς· «Δέομαι, κύριε· ¹⁹ ἐπειδὴ εὗρεν ὁ παῖς σου ἔλεος ἐναντίον σου καὶ ἐμεγάλυνας τὴν δικαιοσύ­νην σου, ^19β ὃ ποιεῖς ἐπ᾿ ἐμὲ τοῦ ζῆν τὴν ψυχήν μου, ἐγὼ δὲ οὐ δυνήσομαι διασωθῆναι εἰς τὸ ὄρος, ^19γ μήποτε⁽¹³⁾ καταλάβῃ με τὰ κακὰ καὶ ἀποθάνω. ²⁰ ἰδοὺ ἡ πόλις αὕτη ἐγγὺς τοῦ καταφυγεῖν με ἐκεῖ, ἥ ἐστι μικρά· ^20β [καὶ] ἐκεῖ [δια]σωθήσομαι· οὐ μικρά ἐστι; καὶ ζήσεται ἡ ψυχή μου [ἕνεκέν σου]». ²¹ καὶ εἶπεν αὐτῷ· «᾿Ιδοὺ ἐθαύμασά σου τὸ πρόσωπον καὶ ἐπὶ τῷ ῥήματι τούτῳ ^21β τοῦ μὴ καταστρέψαι τὴν πόλιν, περὶ ἧς ἐλάλησας· ²² σπεῦσον οὖν⁽¹⁴⁾ τοῦ σωθῆναι ἐκεῖ· οὐ γὰρ δυνήσομαι ποιῆσαι πρᾶγμα, ἕως τοῦ ἐλ­θεῖν σε ἐκεῖ». ^22β διὰ τοῦτο ἐκάλεσε τὸ ὄνομα τῆς πόλεως [ἐκείνης] Ση­γώρ⁽¹⁵⁾. ²³ ὁ ἥλιος ἐξῆλθεν ἐπὶ τὴν γῆν, καὶ Λὼτ εἰσῆλθεν εἰς Σηγώρ· ²⁴ καὶ Κύριος ἔβρεξεν ἐπὶ Σόδομα καὶ Γόμορραν⁽¹⁶⁾ θεῖον, καὶ πῦρ παρὰ Κυρίου ἐξ οὐρανοῦ ²⁵ καὶ κατέστρεψε τὰς πόλεις ταύτας καὶ πᾶσαν τὴν περίχωρον^{(17) 25β} καὶ πάντας τοὺς κατοικοῦντας ἐν ταῖς πόλεσι καὶ τὰ ἀνατέλλοντα ἐκ τῆς γῆς. ²⁶ καὶ ἐπέβλεψεν ἡ γυνὴ αὐτοῦ εἰς τὰ ὀπίσω καὶ ἐγένετο στήλη ἁλός.

²⁷ ῎Ωρθρισε δὲ ᾿Αβραὰμ τῷ πρωῒ εἰς τὸν τόπον οὗ εἱστήκει ἐναντίον Κυρίου. ²⁸ καὶ ἐπέβλεψεν ἐπὶ πρόσωπον Σοδόμων καὶ Γομόρρας καὶ ἐπὶ πρόσωπον τῆς περιχώρου ^28β καὶ εἶδε, καὶ ἰδοὺ ἀνέβαινε φλὸξ ἐκ τῆς γῆς ὡσεὶ ἀτμὶς καμίνου. ²⁹ καὶ ἐγένετο ἐν τῷ ἐκτρῖψαι Κύριον πάσας τὰς πό­λεις τῆς περιοίκου, ^29β ἐμνήσθη ὁ Θεὸς τοῦ ᾿Αβραὰμ καὶ ἐξαπέστειλε τὸν Λὼτ ἐκ μέσου τῆς καταστροφῆς, ^29γ ἐν τῷ καταστρέψαι Κύριον τὰς πόλεις, ἐν αἷς κατῴκει ἐν αὐταῖς Λώτ.

 

[Λόγος 23ος]

 

³⁰ ᾿Ανέβη δὲ⁽¹⁸⁾ Λὼτ ἐκ Σηγὼρ καὶ ἐκάθητο ἐν τῷ ὄρει αὐτὸς⁽¹⁹⁾ καὶ αἱ δύο θυγατέρες αὐτοῦ μετ᾿ αὐτοῦ· ^30β ἐφοβήθη γὰρ κατοικῆσαι ἐν Σηγώρ. ^30γ καὶ κατῴκησεν ἐν τῷ σπηλαίῳ, αὐτὸς καὶ αἱ δύο θυγατέρες αὐτοῦ μετ᾿ αὐτοῦ. ³¹ εἶπε δὲ ἡ πρεσβυτέρα πρὸς τὴν νεωτέραν· «῾Ο πατὴρ ἡμῶν πρε­σβύτερος, ^31β καὶ οὐδείς ἐστιν ἐπὶ τῆς γῆς, ὃς εἰσελεύσεται πρὸς ἡμᾶς, ὡς καθήκει πάσῃ τῇ γῇ· ³² δεῦρο καὶ⁽²⁰⁾ ποτίσωμεν τὸν πατέρα ἡμῶν οἶνον καὶ κοιμηθῶμεν μετ᾿ αὐτοῦ ^32β καὶ ἐξαναστήσωμεν ἐκ τοῦ πατρὸς ἡμῶν σπέρ­μα». ³³ ἐπότισαν δὲ τὸν πατέρα αὐτῶν οἶνον ἐν τῇ νυκτὶ ἐκείνῃ⁽²¹⁾, ^33β καὶ εἰσελθοῦσα ἡ πρεσβυτέρα ἐκοιμήθη μετὰ τοῦ πατρὸς αὐτῆς ἐν τῇ νυκτὶ ἐκείνῃ, ^33γ καὶ οὐκ ᾔδει ἐν τῷ κοιμηθῆναι αὐτὸν⁽²²⁾ καὶ ἐν τῷ ἀναστῆναι. ³⁴ ἐγένετο δὲ ⁽⁹⁾ τῇ ἐπαύριον καὶ εἶπεν ἡ πρεσβυτέρα πρὸς τὴν νεωτέραν· ^34β «᾿Ιδοὺ ἐκοιμήθην χθὲς μετὰ τοῦ πατρὸς ἡμῶν· ποτίσωμεν αὐτὸν οἶνον καὶ ἐν τῇ νυκτὶ ταύτῃ, ^34γ καὶ εἰσελθοῦσα κοιμήθητι μετ᾿ αὐτοῦ, καὶ ἐξαναστή­σωμεν ἐκ τοῦ πατρὸς ἡμῶν σπέρμα». ³⁵ ἐπότισαν δὲ καὶ ἐν τῇ νυκτὶ ἐκείνῃ τὸν πατέρα αὐτῶν οἶνον, ^35β καὶ εἰσελθοῦσα ἡ νεωτέρα ἐκοιμήθη μετὰ τοῦ πατρὸς αὐτῆς, ^35γ καὶ οὐκ ᾔδει ἐν τῷ κοιμηθῆναι αὐτὸν⁽²²⁾ καὶ ἀναστῆναι. ³⁶ καὶ συνέλαβον αἱ δύο θυγατέρες Λὼτ ἐκ τοῦ πατρὸς αὐτῶν. ³⁷ καὶ ἔτε­κεν ἡ πρεσβυτέρα υἱὸν καὶ ἐκάλεσε τὸ ὄνομα αὐτοῦ Μωὰβ ^37β λέγουσα· «᾿Εκ τοῦ πατρός μου»· οὗτος πατὴρ Μωαβιτῶν ἕως τῆς σήμερον ἡμέρας. ³⁸ ἔτεκε δὲ καὶ ἡ νεωτέρα υἱὸν καὶ ἐκάλεσε τὸ ὄνομα αὐτοῦ ᾿Αμμὰν ^38β [λέγουσα]· «Υἱὸς [τοῦ]⁽²³⁾ γένους μου»· οὗτος πατὴρ ᾿Αμμανιτῶν ἕως τῆς σήμερον ἡμέρας.

 

Παραπομπαί

(ἡ παραπομπὴ Χ:0 σημαίνει ὅλον τὸ Χ κεφάλαιον)

19. ¹) 18:1-8,16,22. Δευτ 21:19.

²) 18:4-5. Εβρ 13:2. Λκ 24:28.

³) 18:6-8· 21:8. Εξ 12:15,39. Κρ 6:19. 1Βασ 28:24. 4Βασ 4:8. Λκ 5:29· 11:8· 14:23· 24:28,29. Ιω 12:2. 1Κορ 5:8. 2Κορ 5:14. Εβρ 13:2.

⁴) 13:13· 18:20. Εξ 16:2· 23:2. Λευ 18:22. Κρ 19:22. Πρμ 4:16· 6:18. Ιερ 5:1-6,31. Μιχ 7:3. Μτ 27:20-25. Ρμ 3:15.

⁵) 4:1. Λευ 18:22· 20:13. Κρ 19:22. Ησ 1:9· 3:9. Ιερ 3:3· 6:15. Ιεζ 16:49,51. Μτ 11:23,24. Ρμ 1:23,24,26,27. 1Κορ 6:9. 1Τιμ 1:10. 2Τιμ 3:13. Ιδ 7.

⁶) Κρ 19:23.

^7-8) 2Πετ 2:7-8.

⁷) 19:4. Λευ 18:22· 20:13. Δευτ 23:17. Κρ 19:23. 1Βασ 30:23,24. Πρξ 17:26. Ρμ 1:24. 1Κορ 6:9-11. Ιδ 7.

⁸) 18:5· 19:24-25,31-38· 42:37. Εξ 32:22. Κρ 9:15· 19:24. Ησ 58:7. Μρ 9:6. Ρμ 3:8.

⁹) 11:6· 13:12. Εξ 2:14. 1Βασ 2:16· 17:44· 25:17. Πρμ 9:7,8· 14:16· 17:12· 27:3. Εκ 9:3· 10:13. Ησ 65:5. Ιερ 3:3· 6:15. 8:12. Δν 3:19-22. Μτ 7:6. Πρξ 7:26-28. 2Πετ 2:7,8.  

¹⁰) 19:1. 4Βασ 6:18. Πρξ 13:11.

¹¹) Δευτ 28:28. 4Βασ 6:18. Πρξ 13:11.

¹²) 7:1· 19:14,17,22. Αρ 16:26. ΙσΝ 6:22,23. Ιερ 32:39. 2Πετ 2:7,9. Απ 18:4.

¹³) 13:13· 18:20. 1Παρ 21:15,16. Ψ 10:5,6. Ησ 3:11· 36:10· 37:36. Ιεζ 9:5,6. Μτ 13:41,42,49,50. Πρξ 12:23. Ρμ 3:8,9. Ιακ 5:4. 2Πετ 2:6-8. Ιδ 7. Απ 16:1-12.

¹⁴) 19:17,22. Εξ 9:21· 12:31. Αρ 16:21,26,45. 2Παρ 30:10· 36:16. Πρμ 29:1. Ησ 28:22. Ιερ 5:12-14· 20:7· 28(51):6. Ιεζ 20:49. Μτ 1:18· 9:24. Λκ 9:42· 17:28-30· 24:11. Πρξ 17:32· 1Θεσ 5:3. Απ 18:4-8.

¹⁵) 19:17,22. Αρ 16:24-27. Πρμ 6:4,5. Λκ 13:24,25. 2Κορ 6:2. Εβρ 3:7,8. Απ 18:4.

¹⁶) Εξ 34:6. Αρ 14:18. Δευτ 4:31. ΙσΝ 6:22. 1Παρ 16:34. Ψ 33:12,22· 85:5,15· 102:8-10,13· 105:1,8· 106:1· 110:4· 117:1· 118:60· 135:1. Ησ 63:9. Θρ 3:22. Μιχ 7:18,19. Λκ 6:35,36· 18:13. Ιω 6:44. Ρμ 9:15,16,18. 2Κορ 1:3. Εφ 2:4,5. Ττ 3:5. 2Πετ 2:7,9. Ιδ 23.

¹⁷) 18:22· 19:14,15,22,26. 1Βασ 19:11. 3Βασ 19:3. Ψ 120:1. Μτ 3:7· 24:15-18. Λκ 9:62· 17:31,32. Φιλ 3:13,14. Εβρ 2:3.

¹⁸) 32:26. 4Βασ 5:11,12. Ησ 45:11. Ιω 13:6-8. Πρξ 9:13· 10:14.

¹⁹) 12:13. Δευτ 31:17. 1Βασ 27:1. 3Βασ 9:9. Ψ 17:0· 39:0· 76:7-11· 102:0· 114:0· 115:0. Μτ 8:25,26. Μρ 9:19. Ρμ 8:31. 1Τιμ 1:14-16.

²⁰) 12:13· 19:30. Ψ 118:175. Πρμ 3:5-7. Αμ 3:6. Ησ 55:3.

²¹) 4:7· 12:2· 18:24. Ιωβ 42:8,9. Ψ 33:15· 101:17· 144:19. Ιερ 14:10. Μτ 12:20. Λκ 11:8. Εβρ 2:17· 4:15,16.

²²) 13:10· 14:2· 19:20· 32:25-28. Εξ 32:10. Δευτ 9:14. Ψ 90:1-10. Ησ 15:5· 65:8. Ιερ 31(48):34. Μρ 6:5. 2Τιμ 2:13. Ττ 1:2.  

²³) 19:22,30· 14:2,8. Δευτ 34:3. Ησ 15:5.

²⁴) Δευτ 29:22,23. Ιωβ 18:15. Ψ 10:6. Ησ 1:9· 13:19. Ιερ 20:16· 30(49):18· 27(50):40. Θρ 4:6. Ιεζ 16:49,50· 38:22. Ωσ 11:8. Αμ 4:11. Σφν 2:9. Μτ 11:23,24. Λκ 17:28,29. 2Πετ 2:6. Ιδ 7. Απ 14:10· 19:20· 20:10· 21:8.

²⁵) 13:10· 14:3. Ψ 106:34.

²⁶) 19:17. Λκ 17:31-32.

²⁷) 18:22-33. Ψ 5:3. Ιεζ 16:49,50. Αβ 2:1. Εβρ 2:1.

²⁸) Ψ 106:34. Ησ 34:9-10. Θρ 4:6. Μτ 11:23. 2Πετ 2:7. Ιδ 7. Απ 14:10-11· 18:9,18· 19:3· 21:8.

²⁹) 8:1· 12:2· 18:23-33· 30:22. Δευτ 9:5. Νε 13:14,22. Ψ 24:7· 104:8,42· 105:4· 135:23· 144:20. Ιεζ 43(36):31,32. Ωσ 11:8.

³⁰) 13:10· 14:22· 19:17-23· 49:4. Δευτ 34:3. Ησ 15:5. Ιερ 2:36,37· 31(48):34. Ιακ 1:8.

³¹) 4:1· 6:4· 16:1-4· 19:28· 30:1-24· 38:6-30. Δευτ 25:5. Ησ 4:1. Μρ 9:6.

³²) 9:21· 11:3. Λευ 18:6,7. Πρμ 23:31-33. Αβ 2:15,16. Μρ 12:19.

³³) Λευ 18:6-7. Πρμ 20:1· 23:29-35. Αβ 2:15,16.

³⁴) Ησ 3:9. Ιερ 3:3· 5:3· 6:15. 8:12.

³⁵) Ψ 8:4. Πρμ 24:16. Εκ 7:26. Λκ 21:34. 1Κορ 10:11,12. 1Πετ 4:7.

³⁶) Γεν 19:8. Λευ 18:6,7. 1Βασ 15:33. Αβ 2:15. Μτ 7:2.

^37-38) Δευτ 2:9,19· 23:4. 4Βασ 3:26. Ιεζ 25:2,3,5,8-11.

³⁷) 36:35. Εξ 15:15. Αρ 2:9. Δευτ 2:9. Ρθ 1:1. 

³⁸) Αρ 21:24. Δευτ 2:19.

 

 

Σημειώσεις 19ου κεφαλαίου

(1) ῾Ετέρα γραφή· ἀνέστη

(2) ῾Ετέρα γραφή· νίψατε

(3) ᾿Αντὶ καὶ εἶπαν, ἑτέρα γραφή· εἶπαν δέ

(4) ῾Ετέρα γραφή· καὶ ἔφαγον πρὸ τοῦ κοιμηθῆναι. ⁴ οἱ δὲ ἄνδρες...

(5) ῾Ετέρα γραφή· χρήσασθε

(6) Πολλαχοῦ τὸ ἂν παραλείπεται.

(7) Τὸ μηδὲν παραλείπεται εἰς ΠΜ· ὑπάρχει ὅμως ὄχι μόνον ἐν χειρογράφοις ἀλλὰ καὶ εἰς ῾Ράλφς καὶ εἰς Swete καὶ εἰς τὰς περισσοτέρας ἐκδόσεις.

(8) Τὸ αὐτῷ πολλαχοῦ παραλείπεται.

(9) ΠΜ καὶ ἄλλοι προσθέτουν τὴν πρόθεσιν· ἐν

(10) ᾿Επικρατεστέρα γραφὴ ἀντὶ τῆς ὑπὸ τοῦ ΠΜ καὶ ὀλίγων ἄλλων προτιμωμένης· Εἰσί σοι ὧδε...

(11) ΠΜ· ἐσπούδαζον

(22) ῾Ετέρα γραφή· περιβλέψῃς

(13) ῾Ετέρα γραφή· μὴ

(14) ᾿Ενιαχοῦ παραλείπεται.

(15) Σηγὼρ = βραχεῖα, μικρά.

(16) Πᾶσαι αἱ ἔντυποι ἐκδόσεις ἔχουν ἐσφαλμένως «Γόμορρα».

(17) ῾Ετέρα γραφή· περίοικον

(18) ῾Ετέρα γραφή· Καὶ ἐξῆλθε Λὼτ

(19) ᾿Ενιαχοῦ παραλείπεται.

(20) ᾿Αντὶ τοῦ καὶ ὑπάρχει ἐνιαχοῦ ἑτέρα γραφή· οὖν

(21) ῾Ετέρα γραφή· ταύτῃ

(22) ῾Ετέρα γραφή· αὐτὴν

(23) ῾Η συγκεκριμένη λέξις ἐν ΠΜ παραλείπεται.

῞Ετεραι παραπομπαί. ¹¹) ῞Υμνος σοφίας 19:17. ²⁴) ῞Υμνος σοφίας 10:6. ²⁶) ῞Υμνος σοφίας 10:7.

 

 

᾿Εξηγήσεις συμβόλων καὶ στοιχείων