συμβολή

 

Γένεσις

 

ΚΕΦΑΛΑΙΟΝ 25

 

[Λόγος 32ος]

⁽¹⁾

⁷ [Ταῦτα δὲ τὰ ἔτη ἡμερῶν ζωῆς ᾿Αβραὰμ ὅσα ἔζησεν, ἑκατὸν ἑβδομήκοντα πέντε [ἔτη]. ⁸ καὶ ἐκλείπων ἀπέθανεν ᾿Αβραὰμ ἐν γήρᾳ καλῷ πρεσβύτερος⁽²⁾ καὶ πλήρης ἡμερῶν· ^8β καὶ προσετέθη πρὸς τὸν λαὸν αὐτοῦ. ⁹ καὶ ἔθαψαν αὐτὸν ᾿Ισαὰκ καὶ ᾿Ισμαὴλ οἱ δύο⁽³⁾ υἱοὶ αὐτοῦ εἰς τὸ σπήλαιον τὸ διπλοῦν, ^9β εἰς τὸν ἀγρὸν ᾿Εφρὼν⁽⁴⁾ τοῦ Σαὰρ τοῦ Χετταίου, ὅς ἐστιν ἀπέναντι Μαμβρῆ, ¹⁰ τὸν ἀγρὸν καὶ τὸ σπήλαιον ὃ ἐκτήσατο ᾿Αβραὰμ παρὰ τῶν υἱῶν [τοῦ] Χέτ, ^10β ἐκεῖ ἔθαψαν ᾿Αβραὰμ καὶ Σάρραν τὴν γυναῖκα αὐτοῦ. ¹¹ ἐγένετο δὲ μετὰ τὸ ἀποθανεῖν ᾿Αβραάμ, εὐλόγησεν ὁ Θεὸς ᾿Ισαὰκ τὸν υἱὸν αὐτοῦ· ^11β καὶ κατῴκησεν ᾿Ισαὰκ παρὰ τὸ «Φρέαρ τῆς ὁράσεως».]

 

[Λόγος 33ος]

 

¹² [Αὗται δὲ αἱ γενέσεις ᾿Ισμαὴλ υἱοῦ ᾿Αβραάμ, ὃν ἔτεκεν ῎Αγαρ⁽⁵⁾ ἡ παιδίσκη Σάρρας τῷ ᾿Αβραάμ.]^{(6) 13} [καὶ ταῦτα τὰ ὀνόματα τῶν υἱῶν ᾿Ισμαὴλ κατ᾿ ὀνόματα τῶν γενεῶν αὐτοῦ· ^13β πρωτότοκος ᾿Ισμαὴλ Ναβαϊὼθ καὶ Κηδὰρ καὶ Ναβδεὴλ⁽⁷⁾ καὶ Μασσὰμ ¹⁴ καὶ Μασμὰ καὶ Δουμὰ καὶ Μασσῆ ¹⁵ καὶ Χοδδὰν καὶ Θεμὰν καὶ ᾿Ιετοὺρ καὶ Ναφὲς καὶ Κεδμά. ¹⁶ οὗτοί εἰσιν οἱ υἱοὶ ᾿Ισμαὴλ καὶ ταῦτα τὰ ὀνόματα αὐτῶν ἐν ταῖς σκηναῖς αὐτῶν ^16β καὶ ἐν ταῖς ἐπαύλεσιν αὐτῶν· δώδεκα ἄρχοντες κατὰ τὰ⁽³⁾ ἔθνη αὐτῶν. ¹⁷ καὶ ταῦτα τὰ ἔτη ἡμερῶν ⁽⁸⁾ ζωῆς ᾿Ισμαήλ, ἑκατὸν τριάκοντα ἑπτὰ ἔτη· ^17β καὶ ἐκλείπων ἀπέθανε· καὶ προσετέθη πρὸς τὸ γένος αὐτοῦ. ¹⁸ κατῴκησε δὲ ἀπὸ Εὐϊλὰτ ἕως Σούρ, ^18β ἥ ἐστι κατὰ πρόσωπον Αἰγύπτου, ἕως ἐλθεῖν πρὸς ᾿Ασσυρίους· ^18γ κατὰ πρόσωπον πάντων τῶν ἀδελφῶν αὐτοῦ κατῴκησεν.]

 

[Λόγος 34ος]

 

¹⁹ Αὗται δὲ αἱ γενέσεις ᾿Ισαὰκ υἱοῦ ᾿Αβραάμ· ᾿Αβραὰμ ἐγέννησε τὸν ᾿Ισαάκ. ²⁰ ἦν δὲ ᾿Ισαὰκ ἐτῶν τεσσαράκοντα, ^20β ὅτε ἔλαβε τὴν ῾Ρεβέκκαν θυγατέρα Βαθουὴλ τοῦ Σύρου ἐκ τῆς Μεσοποταμίας⁽⁹⁾, ^20γ ἀδελφὴν δὲ Λά­βαν τοῦ Σύρου, ἑαυτῷ εἰς γυναῖκα. ²¹ ἐδέετο δὲ ᾿Ισαὰκ Κυρίου περὶ ῾Ρεβέκκας τῆς γυναικὸς αὐτοῦ, ὅτι στεῖρα ἦν. ^21β καὶ ἐπήκουσεν αὐτοῦ ὁ Θεός, καὶ ἔλαβεν⁽¹⁰⁾ ἐν γαστρὶ ῾Ρεβέκκα ἡ γυνὴ αὐτοῦ. ²² ἐσκίρτων δὲ τὰ παιδία ἐν αὐτῇ· ^22β εἶπε δέ· «Εἰ οὕτω μοι μέλλει γίνεσθαι; ἱνατί μοι τοῦτο;» ^22γ ἐπορεύθη δὲ πυθέσθαι παρὰ Κυρίου. ²³ καὶ εἶπε Κύριος αὐτῇ·

«Δύο ἔθνη ἐν τῇ⁽³⁾ γαστρί σου ἐστί,

   καὶ δύο λαοὶ ἐκ τῆς κοιλίας σου διασταλήσονται·

καὶ λαὸς λαοῦ ὑπερέξει,

   καὶ ὁ μείζων δουλεύσει τῷ ἐλάσσονι».

²⁴ Καὶ ἐπληρώθησαν αἱ ἡμέραι τοῦ τεκεῖν αὐτήν, καὶ τῇ δε ἦν δίδυμα ἐν τῇ κοιλίᾳ⁽¹¹⁾ αὐτῆς. ²⁵ ἐξῆλθε δὲ ὁ υἱὸς⁽³⁾ ὁ πρωτότοκος πυρράκης ὅλος, ὡσεὶ δορὰ δασύς· ^25β ἐπωνόμασε δὲ τὸ ὄνομα αὐτοῦ ᾿Ησαῦ⁽¹²⁾. ²⁶ καὶ μετὰ τοῦτο ἐξῆλθεν ὁ ἀδελφὸς αὐτοῦ, καὶ ἡ χεὶρ αὐτοῦ ἐπειλημμένη τῆς πτέρνης ᾿Ησαῦ· ^26β καὶ ἐκάλεσε τὸ ὄνομα αὐτοῦ ᾿Ιακώβ⁽¹³⁾. ^26γ ᾿Ισαὰκ δὲ ἦν ἐτῶν ἑξήκοντα, ὅτε ἔτεκεν αὐτοὺς ῾Ρεβέκκα.

²⁷ Ηὐξήθησαν δὲ οἱ νεανίσκοι, καὶ ἦν ᾿Ησαῦ ἄνθρωπος εἰδὼς κυνηγεῖν, ἄγροικος, ^27β ᾿Ιακὼβ δὲ ἄνθρωπος ἄπλαστος, οἰκῶν οἰκίαν. ²⁸ ἠγάπησε δὲ ᾿Ισαὰκ τὸν ᾿Ησαῦ, ὅτι ἡ θήρα αὐτοῦ βρῶσις αὐτῷ· ^28γ ῾Ρεβέκκα δὲ ἠγάπα τὸν ᾿Ιακώβ. ²⁹ ἥψησε δὲ ᾿Ιακὼβ ἕψημα· ἦλθε δὲ ᾿Ησαῦ ἐκ τοῦ πεδίου ἐκλεί­πων, ³⁰ καὶ εἶπεν ᾿Ησαῦ τῷ ᾿Ιακώβ· «Γεῦσόν με⁽¹⁴⁾ ἀπὸ τοῦ ἑψήματος τοῦ πυρροῦ τούτου, ὅτι ἐκλείπω». ^30β διὰ τοῦτο ἐκλήθη τὸ ὄνομα αὐτοῦ ᾿Ε­δώμ⁽¹⁵⁾. ³¹ εἶπε δὲ ᾿Ιακὼβ τῷ ᾿Ησαῦ· «᾿Απόδος⁽¹⁶⁾ μοι σήμερον τὰ πρωτοτό­κιά σου ἐμοί». ³² καὶ εἶπεν ᾿Ησαῦ· «᾿Ιδοὺ ἐγὼ πορεύομαι τελευτᾶν, καὶ ἱνατί μοι ταῦτα τὰ πρωτοτόκια;» ³³ καὶ εἶπεν αὐτῷ ᾿Ιακώβ· «῎Ομοσόν μοι σήμερον». ^33β καὶ ὤμοσεν αὐτῷ· καὶ ἀπέδοτο ᾿Ησαῦ τὰ πρωτοτόκια τῷ ᾿Ια­κώβ. ³⁴ ᾿Ιακὼβ δὲ ἔδωκε τῷ ᾿Ησαῦ ἄρτον καὶ ἕψημα φακοῦ, ^34β καὶ ἔφαγε καὶ ἔπιε καὶ ἀναστὰς ᾤχετο· καὶ ἐφαύλισεν ᾿Ησαῦ τὰ πρωτοτόκια.

 

Παραπομπαί

(ἡ παραπομπὴ Χ:0 σημαίνει ὅλον τὸ Χ κεφάλαιον)

25. ⁷) 12:4· 17:1· 18:10· 25:20,26.

⁸) 15:15,25· 25:7,17· 35:18,28,29· 47:8,9· 49:29,33. Αρ 11:16· 20:24· 27:13. Κρ 2:10· 8:32. 1Παρ 29:28. Ιωβ 5:26· 42:17. Πρμ 20:29. Ιερ 6:11. Λκ 16:22. Πρξ 5:5,10· 12:23· 13:36.

⁹) 21:9,10· 23:9-20· 35:29· 49:29,30· 50:13.

¹⁰) 23:3-16,19· 49:31.

¹¹) 12:2· 16:14· 17:19· 22:17· 24:62· 26:3· 50:24.

¹²) 25:19· 11:10,27· 16:2,10-15· 17:20· 21:13. 1Παρ 1:28-31. Ψ 82:6. Μτ 13:8. Μρ 4:8.

¹³) 16:10· 17:20· 36:3. 1Παρ 1:29-31. Ησ 60:7.

¹⁴) Ησ 21:11,16.

¹⁵) 25:15· 37:25. 1Παρ 1:30. Ιωβ 6:19.

¹⁶) 17:20.

¹⁷) 25:7,8· 15:15· 17:18.

¹⁸) 2:11· 13:10· 14:10· 16:7,9,12· 20:1· 21:14,21. 1Βασ 15:7. 4Βασ 23:29. Ησ 19:23,24. Ψ 77:64.

¹⁹) 25:12· 21:3· 36:1,9. 1Παρ 1:32,34. Μτ 1:2. Λκ 3:34. Πρξ 7:8.

²⁰) 22:23· 24:15,29,67· 28:5,6· 31:18,20,24· 35:9,28. Δευτ 26:5. Μτ 1:2. Λκ 4:27.

²¹) 25:26· 11:30· 15:2,3· 16:2· 17:16-19· 21:2· 29:31. Κρ 13:2-3. 1Βασ 1:2,5-6,11,19,20,27. 1Παρ 5:20. 2Παρ 33:13. Εσρ 8:23. Ψ 49:15· 64:2· 90:15· 144:19. Πρμ 10:24. Ησ 45:11· 58:9· 65:24. Λκ 1:7,13. Ρμ 9:10-13.

^21-22) 11:30· 18:11-14· 29:31. Κρ 1:2-3. 1Βασ 1:2. Λκ 1:7.

²²) 14:18-20· 38:27-30. Κρ 18:5-7. 1Βασ 9:9· 10:22· 22:15· 28:6· 30:8. Ιεζ 20:31· 36:37.

^22-34) Μλχ 1:0. Ρμ 9:0.

²³) 17:2-4,16· 24:60· 25:27· 27:29,37,40· 32:6· 33:3· 36:31· 48:13-20. Αρ 20:14. Δευτ 2:4,8. 1Βασ 16:1-13. 2Βασ 8:13-14. 3Βασ 11:16· 22:47. 4Βασ 8:20-22· 14:7. 1Παρ 18:13. 2Παρ 25:11,12. Ψ 59:8,9· 82:5-15. Πρμ 11:29. Ησ 34:1-17· 63:1-6. Ιερ 49:7-22. Ιεζ 25:12-14· 35:1-15. Αμ 1:11,12. Αβδ 1:1-16. Μλχ 1:2-5. Ρμ 9:10-13.

²⁴) Πρξ 7:32.

²⁵) 25:30· 27:11,16,23· 36:1. Αρ 24:18. Ησ 48:4.

²⁶) 25:7,20,30· 27:3,5,36· 32:25-33· 38:28-30. Ιωβ 1:1-8· 2:3. Ωσ 12:3,4.

²⁷) 6:9· 21:20· 27:3-5,40· 28:10,11· 31:39-41· 46:34. Ψ 36:37· 67:6. Ιωβ 1:1,8· 2:3. Εβρ 11:9.

²⁸) 27:3-10,19,25,31· 27:6.

²⁹) 25:34. Κρ 8:4,5. 1Βασ 14:28,31. Πρμ 13:25. Ησ 40:30,31.

^29-34) 27:36.

³⁰) 25:25· 36:1,9. Εξ 15:15.

³¹) 49:3. Εξ 4:22. Δευτ 21:15-17.

³²) Εξ 22:9. Ιωβ 21:15· 22:17· 34:9. Μλχ 3:14. Μτ 16:26· 22:4. Μρ 8:36-37. Λκ 14:18,20. Εβρ 12:16.

^32-34) Ρμ 8:29-30. Φιλ 3:19. 2Πετ 3:12. Εβρ 12:16-17.

³³) 14:22· 24:3· 27:36· 36:6,7. Ψ 17:43,44. Μρ 6:23. Εβρ 6:16· 12:16.

³⁴) Ψ 105:24. Εκ 8:15. Ησ 22:13. Ζχ 11:13. Μτ 22:5· 26:15. Λκ 14:18-20. Πρξ 13:41. 1Κορ 15:32. Φιλ 3:18,19. Εβρ 12:16-17.

 

 

Σημειώσεις 25ου κεφαλαίου

(1) ¹ Προσθέμενος δὲ ᾿Αβραὰμ ἔλαβε γυναῖκα, ᾗ ὄνομα Χεττούρα. ² ἔτεκε δὲ αὐτῷ τὸν Ζομβρᾶν καὶ τὸν ᾿Ιεζὰν καὶ τὸν Μαδὰλ καὶ τὸν Μαδιὰμ καὶ τὸν ᾿Ιεσβὼκ καὶ τὸν Σωκέ. ³ Ιεζὰν δὲ ἐγέννησε καὶ τὸν Θεμὰν τὸν Σαβὰ καὶ τὸν Δεδάν· υἱοὶ δὲ Δεδὰν ἐγένοντο ῾Ρα­γουὴλ καὶ Ναβδεὴλ καὶ ᾿Ασσουριὶμ καὶ Λατουσιὶμ καὶ Λαωμίμ. ⁴ υἱοὶ δὲ Μαδιὰμ Γεφὰρ καὶ ᾿Αφὶρ καὶ ᾿Ενὼχ καὶ ᾿Αβιρὰ καὶ ᾿Ελδαγά. πάντες οὗτοι ἦσαν υἱοὶ Χεττούρας. ⁵ ῎Εδωκε δὲ ᾿Αβραὰμ πάντα τὰ ὑπάρχοντα αὐτοῦ ᾿Ισαὰκ τῷ υἱῷ αὐτοῦ, ⁶ καὶ τοῖς υἱοῖς τῶν παλλα­κῶν αὐτοῦ ἔδωκεν ᾿Αβραὰμ δόματα καὶ ἐξαπέστειλεν αὐτοὺς ἀπὸ ᾿Ισαὰκ τοῦ υἱοῦ αὐτοῦ, ἔτι ζῶντος αὐτοῦ, πρὸς ἀνατολὰς εἰς γῆν ἀνατολῶν.

(2) ῾Ετέρα γραφή· πρεσβύτης ΠΜ.

(3) ᾿Απουσιάζει ἀπὸ ΠΜ.

(4) ῾Ετέρα γραφή· Χεβρὼν

(5) ᾿Ενιαχοῦ μετὰ τὴν λέξι ῎Αγαρ προστίθεται· ἡ Αἰγυπτία ΠΜ

(6) Οἱ στίχοι 12 καὶ 13α νοηματικῶς ταυτίζονται καὶ ἀποτελοῦν διπλολογίαν· ἴσως ὁ στίχος 12 νὰ ἀποτελῇ μεταγενεστέραν προσθήκην.

(7) ῞Ολα σχεδὸν τὰ ὀνόματα ἀνευρίσκονται ὑπὸ διαφόρους παραλλαγὰς ἀνὰ χειρό­γραφα καὶ ἐντύπους ἐκδόσεις.

(8) ῾Ετέρα γραφή· τὰ ἔτη τῆς ζωῆς ΠΜ

(9) ᾿Ενιαχοῦ μετὰ τὴν λέξι Μεσοποταμίας προστίθεται· Συρίας (ΠΜ)

(10) ῾Ετέρα γραφή· συνέλαβεν (ΠΜ)

(11) ῾Ετέρα γραφή· γαστρὶ

(12) ᾿Ησαῦ = κόκκινος (κατά τινα ἑρμηνείαν).

(13) ᾿Ιακὼβ ἑρμηνεύεται πτερνιστής.

(14) ῾Ετέρα γραφή· μοι

(15) ᾿Εδὼμ = ἐρυθρός, «κοκκινιστός».

(16) ᾿Εσφαλμένη γραφή· ἀπόδου (ΠΜ καὶ ἄλλοι).

῞Ετεραι παραπομπαί. ¹⁸) Γεν 10:7,29.  ²⁷) Γεν 10:9.

 

 

᾿Εξηγήσεις συμβόλων καὶ στοιχείων