Δοξαστικὰ ἁγίας Ζώνης

[MTheodorakis]

Δοξαστικὸ τῶν αἴνων ἁγίας Ζώνης. Ἦχος α’.

«Σὲ προστασίαν ἔχομεν οἱ χριστιανοὶ Θεοτόκε παρθένε ἀμόλυντε πρὸς τὸν ἐκ σοῦ τεχθέντα Χριστὸν τὸν Θεὸν ἡμῶν, καὶ διὰ τοῦτο συναθροισθέντες σήμερον ἐπὶ τῇ καταθέσει τῆς σεβασμίας ζώνης σου πανύμνητε βοῶμεν σοι· περίζωσον ἡμᾶς κατ’ ἐχθρῶν ἀοράτων δυναστείαν ἀήττητον· νίκας τῷ σὲ ποθοῦντι βασιλεῖ παρεχομένη κατ’ ἐχθρῶν, τῷ δὲ κόσμῳ εἰρήνην καὶ δεινῶν ἀπαλλαγὴν καὶ μέγα ἔλεος»

(χφ. Λειμῶνος 3 μηναῖα ιε' αἰ. φ. 397r, χφ. Σινὰ 634 μηναῖο Αὐγούστου ιε’ αἰ. φ. 223r).


Ἰδιόμελο. Ἦχος πλ. β'.
«Μήτηρ ὑψίστου Θεοῦ συνανάρχου Πατρός, ἐκ σῆς ὡς ἐκ θαλάμου, τοῦ παρθενικοῦ σου ταμείου, οἱ παρειμένοι πρώην περιεζώσαντο δύναμιν. Πανηγυρίζει ἡ πόλις σου σήμερον, ἡ σεμνυνομένη ἐν ἡμέρᾳ ἐν ᾗ Ζώνη ἡ ἁγία σου ταύτῃ ἐνεθησαυρίσθη ὡς πολύτιμον κειμήλιον»

(χφ. Paris. gr. 355 στιχηράριο ιγ' αἰ. φ. 5r-v, χφ. Μ. Λαύρας Γ-86 στιχηράριο ιδ' αἰ. («...θαλάμων...παρειμένοι πρίν...σήμερον σεμνυνομένη... ἐν ᾗ ἡ Ζώνη ἡ τιμία σου...ὑπέρτιμον κειμήλιον») ). Παρομοίως στὸ χφ. Σινὰ 634 μηναῖο Αὐγούστου ιε’ αἰ. φφ. 222v-223r.


Ἰδιόμελον εἰς τὰ ἀπόστιχα τῶν αἴνων. Ἦχος α’.
«Θυμιατήριον πνευματικὸν ἡ τιμία σου ζώνη γέγονε παναγία Θεοτόκε παρθένε, ὡς γὰρ ὀσμὴ θυμιάματος ἡ προσευχή σου ἀνέρχεται πρὸς Θεὸν, ὅν ἱκέτευε σωθῆναι τὰς ψυχάς ἡμῶν»

(χφ. Σινὰ 634 μηναῖο Αὐγούστου ιε’ αἰ. φ. 223r).